Assalomu alaykum, Mehmon!
Soat: 14:49
Saytga kirishRo'yxatdan o'tish
TAVSIYA QILAMIZ
Yangiliklar tasmasi

AQShda yana bir vaktsinaning salbiy ta'sirlari sabab emlash ishlari to'xtatilmoqda

 9 APREL, 19:05

AQShda «Johnson & Johnson» farmatsevtika kompaniyasining koronavirusga qarshi vaktsinasi bilan aholini emlash ishlari olib borilayotgan ikkita markaz faoliyati to'xtatildi.

Bunga ushbu preparat bilan emlanganlar orasida ko'ngil aynish va bosh aylanishi kabi salbiy ta'sirlar kuzatilayotgani sabab bo'lgan.

«Wall Street Journal» nashrining yozishicha, Shimoliy Karolinada emlanganlar orasida 18, Koloradoda esa 10 dan ortiq odam emlashdan keyin nojo'ya ta'sirlar haqida ma'lum qilgan. Ulardan to'rt nafari kasalxonaga yotqizilgan.

«Johnson & Johnson» kompaniyasi vaktsina tufayli kelib chiqqan ushbu salbiy reaktsiyalarni o'rganishga kirishgani bildirgan.

8 aprel holatiga ko'ra AQShda 66 milliondan ortiq odam — mamlakat aholisining deyarli 20 foizi koronavirusga qarshi to'liq emlab bo'lingan.

Manba: aniq.uz

butsanet

telegram
BILDIRILGAN FIKRLAR