Rossiyada odam savdosi qurboniga aylangan erkak O'zbekistonga olib kelindi

 5 APREL, 16:55

Rossiya Federatsiyasining turli hududlarida uzoq vaqtlardan buyon vaqtincha mehnat faoliyatini amalga oshirib kelgan va so'nggi oylarda pasportini yo'qotib, odam savdosi qurboniga aylanib qiyin vaziyatga tushib qolgan yurtdoshimiz I.K O'zbekistonga qaytarildi.

Tashqi mehnat migratsiyasi agentligining Moskvadagi vakolatxonasi tomonidan I.Kni O'zbekistonga qaytarish bilan bog'liq  barcha tashkiliy tadbirlar amalga oshirilib, mamlakatimizning Moskvadagi elchixonasi tomonidan huquqiy yordam ko'rsatilgach, u Tashqi mehnat migratsiyasi agentligining Andijon viloyati filiali ko'magida Moskva-Farg'ona charter reysi orqali Vatanga etib keldi.