Xayirli kun, Guest!
Soat: 12:31
telegram
“Tolibon” 1 mayga qadar Afg'onistondan xorijiy qo'shinlarni olib chiqilishini talab qildi

 15 APREL, 17:40 101

.

“Tolibon” harakati 1 mayga qadar Afg'onistondan xorijiy qo'shinlarni olib chiqilishini talab qildi.

“Tolibon” harakati AQSh prezidenti Jo Bayden bayonotiga javob berdi: “AQSh qo'shinlarini mamlakatdan olib chiqilishini kechiktirish – bu Dohada “AQSh - Tolibon” o'rtasida erishilgan kelishuvining buzilishi, xorijiy harbiylar 1 mayga qadar Afg'onistonni tark etishi kerak”.

"Qo'shinlarni olib chiqish bir necha oyga kechiktirilayotgani va sentyabrgacha yakunlanishi sababli quyidagilarni bayon qilamiz: bu qaror Dohada erishilgan kelishuvning yaqqol buzilishi va o'z zimmasiga olgan majburiyatlarni bajarmaslik" - deyilgan bayonotda.

Tolibon "Amerikani va okkupatsiya qilgan barcha davlatlarni urushni cho'zilishini oqlashdan to'xtashga va zudlik bilan barcha o'z kuchlarini Afg'onistondan olib chiqishga qat'iy chaqiradi".

"Endi Amerika kelishuvni buzganida, bu mohiyatan Islom amirligi mujohidlariga (“Tolibon” boshqaruv tizimi nomi - tahr.) barcha zarur qarshi choralarni ko'rish imkoniyatini ochadi, shuning uchun kelajakdagi barcha oqibatlar uchun javobgarlik Amerika tomonida bo'ladi", - deyiladi bayonotda.

Kuni kecha AQSh prezidentining administratsiyasi vakili Afg'onistondan o'z qo'shinlarini 11 sentyabrgacha olib chiqilishini e'lon qilgandi.

Vakil, AQSh etakchisi Jo Baydenning fikricha, qo'shinlarni tez va muvofiqlashtirmagan tarzda olib chiqib ketish AQSh va uning ittifoqchilari uchun xavf bo'lgan bo'lishi mumkinligini ta'kidladi. AQSh mintaqadagi terrorchilik xavfini kuzatishda hamda Afg'oniston “terrorchilar hujum uyushtirish mumkin bo'lgan” baza uchun maydon sifatida bo'lmasligi ustida ishlashda davom etishini qo'shimcha qilgan.

AQSh o'z qo'shinlarini olib chiqilishini keyingi muddatga qoldirish mamlakatda qurolli mojaroning avj olishi, bu esa to'g'ridan-to'g'ri afg'onaro tinchlik muzokaralarini boshlash harakatlarini susaytirishi mumkin, deb aytdi Rossiya TIV rasmiy vakili Mariya Zaxarova.

Manba: aniq.uz

Yangiliklarni Telegramda o'qing!
Saytimizga a'zo bo'ling va yangilikga Izoh qoldiring!
!