Xayirli tun, Guest!
Soat: 03:48
telegram
Namanganda kelinoyisi 5-sinfda o'qiydigan qizni kanalga itarib yuborgan. Qizcha halok bo'ldi

 12 APREL, 12:40 93

.

2021 yil 5 aprel kuni soat 19:00da Namangan shahar, Sohil MFY, Bodomzor ko'chasida yashovchi S.A.Mamadaliev tuman prokurori nomiga ariza bilan murojaat qilib, unda Chortoq tumani, Bag'rikenglik MFY, Olmazor ko'chasi, 88-uyda onasi Mamadalieva Nasiba qaramog'ida bo'lgan voyaga etmagan farzandi Asatillaeva Ma'rifat Solijon qizi shu kuni ertalab Chortoq tuman XTBga qarashli 47-sonli umumta'lim maktabiga ketib, qaytib kelmasdan bedarak yo'qolganligini ma'lum qilib, qizini topishda amaliy yordam berishni so'ragan.

Mazkur holat yuzasidan tuman prokuraturasi tomonidan tergovga qadar tekshiruv harakatlari o'tkazilib, voyaga etmagan M.Asatillaevaning yashash xonadoni ko'zdan kechirilib, tegishli protsessual hujjatlar rasmiylashtirilgan.

Shundan so'ng, voyaga etmagan M.S.Asatullaevaning shubhali bedarak yo'qolishida uni qotillik jinoyati qurboni bo'lgan bo'lishi mumkinligini nazarda tutib, 06.04.2021 yilda tuman prokuraturasi tomonidan O'zbekiston Respublikasi JKning 97-moddasi 2-qismi “v” bandi bilan jinoyat ishi qo'zg'atilgan.

Olib borilgan tezkor-qidiruv tadbirlari natijasida 06.04.2021 yilda voyaga etmagan M.Asatullaevaning jasadi Namangan shaxar, Sherbuloq MFY, Sherbuloq ko'chasidan oqib o'tgan “Katta Namangan” kanali ustidan o'tgan ko'prik ostining suv oqimi past bo'lgan qismidan tashqi tan jarohatlarsiz topilgan.

Jinoyat ishi bo'yicha olib borilgan tergov harakatlari davomida, voyaga etmagan M.S.Asatullaevani 2021 yil 5 aprel kuni soat 10:30da kelinoyisi 1999 yilda tug'ilgan Qodirjonova Feruza Komiljon qizi maktabdan olib chiqib ketganligi va Chortoq tumani, A.Navoiy MFY, M.Ulug'bek ko'chasidan oqib o'tgan “Katta Namangan kanali”ga olib borib, suvga itarib yuborganligi aniqlangan.

Shunga ko'ra, fuqaro F.K.Qodirjonova 06.04.2021 yilda jinoyat ishida gumon qilinuvchi tariqasida ishtirok etishga jalb qilinib, JPKning 221-moddasi tartibida ushlangan.

Hozirda, dastlabki tergov harakatlari davom ettirilmoqda.

Manba: aniq.uz

Yangiliklarni Telegramda o'qing!
Saytimizga a'zo bo'ling va yangilikga Izoh qoldiring!
!