Xayirli tun, Guest!
Soat: 01:54
Tavsiya qilamiz
MILLION JAMOASI KONSERT 2021
LoginA'zo bo'lish
TATU Samarqand filiali karantinga yopildi, o'qituvchi va talabalarda koronavirus aniqlangan

 12 APREL, 13:50 71

.

Toshkent axborot texnologiyalari universiteti Samarqand filiali o'qituvchilari va talabalarida koronavirus aniqlangan. Shu sababli mazkur oliy ta'lim muassasasi karantinga yopilib, o'qish onlayn ta'limga o'tkazilgan. Bu haqda OTM axborot xizmati xabar bermoqda.

Ma'lum bo'lishicha, joriy 2021 yilning 9 aprel kuni Samarqand shahar sanitariya-epidemiologiya osoyishtalik va jamoat salomatligi bo'limi tomonidan olib borilgan epidemiologik tekshiruv chog'ida Muhammad al-Xorazmiy nomidagi Toshkent axborot texnologiyalari universiteti Samarqand filiali o'qituvchilari va talabalarida COVID-19 aniqlangan.

Shundan so'ng shahar sanitariya-epidemiologiya osoyishtalik va jamoat salomatligi bo'limining 2021 yil 10 apreldagi 02/491-sonli xatiga asosan hamda koronavirus infektsiyasi talabalar va professor-o'qituvchilar orasida keng tarqalib ketishining oldini olish maqsadida TATU Samarqand filialida ta'lim jarayoni 2021 yil 12 aprel kunidan boshlab 14 kunlik onlayn (masofaviy) tartibga o'tkazilgan.

COVID-19 mazkur filial talabalar turar joyida yashaydigan talabalarda aniqlangani uchun, bemorlar bilan muloqotda bo'lgan talabalar yotoqxonada 14 kunlik o'z-o'zini yakkalash jarayoniga olingan.

Manba: aniq.uz

Yangiliklarni Telegramda o'qing!
Saytimizga a'zo bo'ling va yangilikga Izoh qoldiring!
!
telegram
© CHIROYLI.COM, 2012-2021™