Xayirli tun, Guest!
Soat: 01:21
Tavsiya qilamiz
MILLION JAMOASI KONSERT 2021
LoginA'zo bo'lish
Jigar tsirrozi qanday kasallik va unga xos qanday yashirin simptomlar bor?

 11 APREL, 11:45 93

.

Jigarning butkul ishdan chiqishiga olib keladigan tsirroz kasalligi nafaqat spirtli ichimlikka mukkasidan ketgan kishilar, balki boshqalarda ham kuzatilishi mumkin.

Jigar sirrozi qanday kasallik?

Tsirroz bu istalgan surunkali jigar kasalligining eng so'nggi bosqichi. Bunda infektsiya, spirtli ichimlik va boshqa sabablar ta'siri ostida jigar hujayralari o'ladi va o'rnini biriktiruvchi to'qimalar egallaydi. Oqibatda jigar o'z vazifasini bajara olmaydi, ichki qon aylanishi ishdan chiqib, jigar etishmovchiligi rivojlanadi.

Tsirroz rivojlanishiga nima sabab bo'ladi?

80 foiz hollarda tsirroz spirtli ichimlik sabab kelib chiqqani bilan ayrim paytlarda uni og'ziga olmagan odamda ham kasallik kuzatilishi va bunga quyidagilar sabab bo'lishi mumkin:

surunkali virusli gepatit (B, C); o't yo'li kasalliklari; dorilardan va kimyoviy zaharlanish; ratsionda oqsil va vitaminlarning surunkali tanqisligi; moddalar almashinuvi bilan tug'ma jiddiy muammolarning borligi.

Jigar tsirrozini qanday qilib payqash mumkin?

Kasallik uch bosqichda bo'ladi. Deyarli simptomsiz kechadigan birinchi bosqichdagi kasallikni faqatgina tahlillar bilan aniqlash mumkin. Bilirubin miqdori ortib, protrombik ko'rsatkichining miqdori pasayadi. Agar kasallik shu bosqichda aniqlansa, parhez va turmush tarzini o'zgartirish orqali uning rivojlanishini sekinlashtiradi. Ikkinchi bosqichida ham kasallikning rivojlanib ketishini sekinlashtirsa bo'ladi. Aynan shu sabab ham quyidagi simptomlar kuzatilganda zudlik bilan shifokorga murojaat qilish kerak.

holsizlik; apatiya (loqaydlik); bosh og'rig'i; ko'ngil aynishi; diareya; o'ng qovurg'a ostida diskomfot; burun qonashi; milklarning qonashi; soch to'kilishi.

Uchinchi bosqich terminal hisoblanadi. Bunda faqat biriktiruvchi to'qimalardan iborat bo'lib qolgan jigar bironta ham vazifani bajara olmaydi va tsirrozga xos keng tarqalgan simptomlar: terining sarg'ayishi, qorinning shishishi va kattalashishi, yuz va oyoqlar shishishi kuzatiladi.

Tsirrozni davolash mumkinmi?

Ushbu kasallikning davolashning yagona radikal usuli – jigar ko'chirib o'tkazish hisoblanadi. Lekin birinchi yoki ikkinchi bosqichlarida aniqlansa uni sekinlashtirish va rivojlanishini oldini olish mumkin.

Manba: aniq.uz

Yangiliklarni Telegramda o'qing!
Saytimizga a'zo bo'ling va yangilikga Izoh qoldiring!
!
telegram
© CHIROYLI.COM, 2012-2021™