LOGOTIPE
Xayirli kech, Mehmon!
Soat: 19:49
Kirish A'zo bo'lish
REKLAMA
Shamollagan haydovchi mast haydovchidan ham xavfliroq
MUHARRIR: wapusta

11 NOYABR, 08:00 / KO'RILDI: 27

Kuz mavsumidagi avitaminoz aksariyat hollarda O'RVI kasalliklariga sabab bo'ladi. Bundan tashqari allergiya ham ko'zdan yosh oqishi, aksa urish kabi alomatlari bilan kutilmaganda xuruj qiladi. Shu bois, mavsumiy kasalliklar nafaqat inson salomatligiga, balki haydovchilar hushyorligiga daxl qilib, yo'llardagi xavfsizlikka ham tahdid solishi mumkin.

Buyuk Britaniyaning Kardiff universiteti olimlari o'tkazgan tadqiqotlar davomida shamollash haydovchilar hushyorligiga ikki litr pivo ichgandagi mastlik holatidan ko'ra kuchliroq ta'sir ko'rsatishi aniqlandi.

Bir guruh haydovchilarda tumov bilan bog'liq holatlarni tadqiq qilgan britaniyalik olim Kendi Smit ta'kidlaydiki, shamollagan haydovchining harakat tezligi va ta'sirchanligi 36 millisoniyaga kechikadi. Bu ko'rsatkich mast holda avtomobil boshqargan kishilarda 15 millisoniyani tashkil qiladi. Demak tumov bo'lgan haydovchi mast haydovchidan ham xavfliroq hisoblanadi.

Buni isbotlash uchun olimlar surunkali shamollash kasalliklari bo'lgan 50 nafar haydovchi faoliyatini 3 oy mobaynida nazorat qilib bordi. Tadqiqot natijalaridan ma'lum bo'ldiki, kasal holda avtomobil boshkargan haydov-chining ogohligi sog'lom haydovchiga karaganda 3 marta sust bo'lib, ko'pgina muammolarni keltirib chiqaradi. Shamollaganda ko'zga tomiziladigan tomchi dorilar ham ko'rish qobiliyatini to'liq ta'minlay olmaydi. Shu xulosalarni inobatga olib, mutaxassislar shamollagan haydovchilarning mashina boshqarishini taqiqlash masalasini muhokama qilmokda.

Ukrainada esa haydovchi e'tibori va hushyorlik reaktsiyasiga salbiy ta'sir ko'rsatuvchi shamollash, allergiya hamda tana harorati ko'tarilishi bilan kechadigan kasalliklar qayd etilgan shaxslarga avtomobil boshqarish allaqachon man etilgan. Haydovchida shunday kasalliklarga shubha paydo bo'lganda yo'l avtonazorati xodimi uning tibbiy tahlillar topshirishini so'rashga haqlidir.

Qayd etish kerakki, butun dunyoda spirtli ichimlik ichib rul boshqarish qat'iy taqiqlangan. Chunki shirakayf odam avtoharakat vaqtida etarli darajada hushyor bo'la olmaydi. Shu o'rinda tumov bo'lgan haydovchi ham mashina boshqarganda ketma-ket aksa urishi, yo'talishi, ko'zidan yosh oqib, yo'lni yaxshi ko'ra olmasligini aytib o'tish urinli. Aksa urganda odam beixtiyor ko'zini yumib oladi va bu vaqt orasida avtomobil 80-100 metrgacha boradi. Bu holatni orqaga surish yoki qo'li rulda bo'lgan kishi aksirishni jilovlab turishining ham hech iloji yo'q. Chunki aksa urish inson irodasiga bog'liq bo'lmagan tarzda ro'y beradi. Demak haydovchining mashinada ketayotib beixtiyor aksa urishi va bunda ko'zini yumib olmasligiga hech kim kafolat bera olmaydi.

Statistik ma'lumotlarga ko'ra, Buyuk Britaniyada har yili shamollagan va grippga chalingan haydovchilar aybi bilan 2500 dan ortiq avtohalokat sodir bo'ladi.

Shundan kelib chiqib aytish mumkinki, o'zida gripp, shamollash va allergik tumov alomatlarini sezgan avtomobil egalari o'zi va atrofidagi insonlar, begunoh yo'lovchilar xavfsizligini o'ylab ham kasal paytida rulga o'tirmas-ligi maqsadga muvofikdir.

Bahodir XO'JABOEV,

oliy toifali ko'z shifokori

Manba: asr.uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!