LOGOTIPE
Xayirli kech, Mehmon!
Soat: 19:20
Kirish A'zo bo'lish
REKLAMA
Nursulton Nazarboev: O'zbekistonning kelajagiga katta ishonch bilan qarayman
MUHARRIR: wapusta

15 NOYABR, 04:35 / KO'RILDI: 58

O'zbekistonda o'ta ijobiy o'zgarishlar amalga oshmoqda. Bu haqda Qozog'iston prezidenti Nursulton Nazarboev Astana Club anjumani ishtirokchilariga ma'lum qildi, deya xabar beradi Tengrinews.

«Afsuski, o'tgan yillar davomida iqtisodiyotimizdagi o'zaro aloqalar hajmi 5 foizdan oshmagan. Biz ko'p vaqtni behuda o'tkazdik. O'zbekiston Qozog'iston bug'doyini Evropa orqali xarid qilganini tasavvur eta olasizmi? Shunaqasi ham bo'lgan», — ta'kidladi Nazarboev.

Qozog'iston prezidentiga ko'ra, oxirgi ikki yil davomida katta o'zgarishlar yuz bergan, o'zaro savdo esa har yili ikki barobar oshmoqda.

«Chegaralar ochiq, bojxona hududi umumiy, iqtisodiyotlarimiz muvofiqlashishi o'ta faol ketmoqda. O'zbekistonning kelajagiga katta ishonch bilan qarayman. U erda ko'p narsa o'zgardi, iqtisodiyot, siyosat ancha liberallashdi. Biroq bu darrov bo'ladigan narsalar emas. Ko'p narsa boy berilgan. Prezident Shavkat Mirziyoev to'g'ri yo'ldan ketyapti va yaxshi munosabatlarni o'rnatyapti. Shu bois kelgusida bugungidan ham yaxshi bo'ladi, degan umiddaman», — dedi Qozog'iston prezidenti.

Manba: daryo.uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!