LOGOTIPE
Xayirli kech, Mehmon!
Soat: 19:48
Kirish A'zo bo'lish
REKLAMA
AQSh va O'zbekiston mudofaa masalalari bo'yicha ikki tomonlama maslahatlashuvlarni o'tkazdi
MUHARRIR: wapusta

11 NOYABR, 06:55 / KO'RILDI: 24

9 noyabr kuni Toshkent shahrida O'zbekiston—AQSh mudofaa idoralari vakillari ishtirokida navbatdagi ikki tomonlama maslahatlashuvlarni o'tkazdi. Bu haqda O'zbekiston Mudofaa vazirligi matbuot xizmati «Daryo»ga ma'lum qildi

Mazkur tadbir O'zbekiston mudofaa vazirining birinchi o'rinbosari – Qurolli Kuchlar bosh shtabi boshlig'i general-mayor Pavel Ergashev va AQSh mudofaa vazirining Janubiy va Markaziy Osiyo ishlari bo'yicha yordamchisining o'rinbosari Kolin Jekson raisligida bo'lib o'tdi.

Unda AQSh harbiy delegatsiyasi hamda O'zbekiston Mudofaa, Tashqi ishlar va Favqulodda vaziyatlar vazirligi, Milliy gvardiya hamda Mudofaa sanoati davlat qo'mitasi vakillari ishtirok etdi.

Uchrashuv davomida tomonlar O'zbekiston—AQSh tegishli idoralari o'rtasida imzolangan kelishuvlarning amalga oshirilishi yuzasidan fikr almashib, kelgusi rejalarni belgilab oldi. O'zbekiston Qurolli Kuchlari harbiy xizmatchilarining professional bilim va ko'nikmalarini oshirish yo'lida ikki mamlakat o'rtasida harbiy hamkorlikni rivojlantirish istiqbollari muhokama qilindi.

Shuningdek, maslahatlashuv jarayonida Afg'onistondagi vaziyat, unda tinchlikni o'rnatish bo'yicha amalga oshirilayotgan ishlar, mintaqada barqarorlikni saqlab qolish masalalari ham ko'rib chiqildi.

Manba: daryo.uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!