Xayirli kun, Guest!
Soat: 13:36
LoginA'zo bo'lish
O'zbekistonda koronavirusga qarshi emlanganlarning qanchasida nojo'ya ta'sirlar qayd etildi va bu xa

 7 APREL, 19:20 87

.

O'zbekistonda koronavirusga qarshi vaktsina olganlarda shu paytga qadar birorta ham jiddiy asoratlar kuzatilmagan. Bu haqda AOKAda o'tkazilgan brifingda Koronavirusga qarshi kurash shtabi a'zosi Nurmat Otabekov ma'lum qildi.

1 apreldan mamlakatda katta shahar va viloyatlar markazlarida emlash punktlarida koronavirus infektsiyasiga qarshi emlash jarayoni boshlandi. 6 aprel sanasiga qadar respublikada 29 ming 860 kishi AstraZeneca vaktsinasi qabul qildi, yana 19 ming 742 kishi ZF-UZ-VAK2001 bilan emlandi.

«Emlanganlar orasida shu kunga qadar 71ta holatda umumiy nojo'ya ta'sirlar qayd etildi. Bu holatlar tana haroratining 37,5 darajadan biroz ko'tarilishi, organizmda biroz og'riqlar, emlangan joyda qichishishlar va og'riq sodir bo'lishi, ba'zi hollarda asabiylashish va holsizlanish, qo'rquv kabi belgilarda ko'ringan.

Bir narsani ta'kidlash kerakki, ular orasida birorta ham jiddiy asoratlar kuzatilmagan», dedi shtab a'zosi.

Shu bilan birga, nojo'ya holatlarning qanchasi qaysi vaktsina tufayli ro'y berganiga oydinlik kiritilmadi.

Otabekov bolalar orasida kasallanish holatlari ko'payganini qayd etdi.

«Oxirgi paytda bolalar orasida kasallik qayd etilishi yuqoriligicha saqlanib turibdi. Masalan 6 aprel sanasida aniqlangan 206 nafar bemordan 54 nafari 19 yoshgacha bo'lgan bolalardir.

Bundan ko'rinib turibdiki, hali koronavirusga qarshi jiddiy ta'sir ko'rsatadigan imkoniyatga ega emasmiz. Shu sababdan har birimiz o'zimizni va farzandlarimizni kasallikka chalinishdan himoya qilishimiz, karantin qoidalariga amal qilishimiz kerak», deya uning so'zlarini keltirmoqda Kun.uz muxbiri.

Ma'lum qilinishicha, 6 aprel holatiga ko'ra O'zbekistonda 47 ming 229 kishi karantin muddatini o'tamoqda. Shu sanada mamlakatga xorijdan 9796 kishi kirib kelgan bo'lsa, ularning 12 nafarida koronavirus kasalligi aniqlangan.

Manba: aniq.uz

Yangiliklarni Telegramda o'qing!
Saytimizga a'zo bo'ling va yangilikga Izoh qoldiring!
!
telegram
© CHIROYLI.COM, 2012-2021™