Xayirli tong, Mehmon!
Soat: 08:22
Kirish |  A'zo bo'lish (Bepul)
Tavsiya qilamiz
» Asal qizlar rasmlari (+18)
» Butsa.Uz - Futbol xabarlari
» Titan Gel - MAKSIMUM tarzda rohat ol!
» Chocolate Slim Ozish uchun tabiiy kompleks
Ko'k choy kimlarga taqiqlanadi?
@chiroyli_comYangiliklarni Telegramda o'qing!
.. Yuklab olish

Qadimgi xitoyliklar choyni «hayot olovi» deb atashgan. XVIII asrda Yaponiya imperatorining xos shifokori choydan qonni tozalashda, ko'z nurini o'tkirlashishda, jigar va taloq faoliyatini yaxshilashda, kayfiyatni ko'tarishda foydalangan. Bugun esa choyning inson organizmiga ijobiy ta'siri to'liq o'rganilib, u barcha hayotiy funksiyalarni kuchaytirishi aniqlangan. Choy ichgan odam och qolmaydi, kayfiyati ko'tarilib, chanqog'i bosiladi. Shuning uchun ham Xitoy, Koreya va Yaponiya armiyalarida choy asosiy ichimlik turi sifatida zobitlar taomnomasiga kiritilgan.
Qizig'i, xitoyliklar choyni maromiga yetkazib damlashni o'rganish uchun maxsus kurslarga qatnashar ekan.
KIMLARGA TAQIQLANADI?
Ming bir shifobaxsh xususiyatga ega bo'lsa-da, ko'k choy ham hammaga tavsiya etilmaydi. Masalan, gastrit, enterit, buyrak tosh kasalliklarida issiq va achchiq choy ichish mumkin emas.
Homilador va emizikli ayollar, yosh bolalarga achchiq choy ichish umuman tavsiya etilmaydi.
Ko'k choy yurak ritmini izdan chiqarib, qon bosimining tushib ketishiga sabab bo'ladi.
Mutaxassislarning aytishicha, yurak-qon tomir tizimida xastaligi bor kishilarga ko'k choy ichish tavsiya etilmaydi.
Shuningdek, ichak kasalliklarida ham ko'k choy ichish mumkin emas. Bunday holatda ko'k choy ichish oshqozon va ichaklarga zarar yetkazadi.
Bundan tashqari, ko'k choyni cheklanmagan miqdorda ichish mumkin emas. Negaki bu buyraklarda tosh paydo bo'lishi xavfini tug'diradi.
KO'K ChOY —
ShIFOBAXSh
DAMLAMA
Ko'k choyning tibbiy jihatdan foydasi juda ko'p. Choyda 130 dan ziyod turli moddalar aniqlanib, ulardan asosiysi tanindir.
Ko'k choy salomatligimizga qanday ta'sir etadi?
Qon bosimi ko'tarilganda uni me'yorlashtiradi.
Stress xavfini kamaytiradi.
Chanqoqni qondiradi.
Kayfiyatni ko'tarib, insonni tetiklashtiradi.
Xotirani yaxshilaydi va diqqatni jamlashga yordam beradi.
Qonni suyultirib, tromblar hosil bo'lish xavfini kamaytiradi.
Zarurat tug'ilganda, termosda saqlangan choy bilan yaralarni dezinfeksiya qilish mumkin.
Xolesterinning organizmdan chiqib ketishini ta'minlaydi.
Ko'k choy ayollardagi bachadon saratoni, erkaklardagi prostata bezi kasalligining oldini oladi.
Quritilgan choy barglarida 16 foizgacha tanin, 0,007 foiz efir moylari, katexin mavjud bo'lib, ular qon tomirlar elastikligini saqlab, ateroskleroz kasalligining oldini oladi.
Yurak-qon tomir kasalliklarida choy tinchlantiruvchi vosita sifatida xizmat qilib, tomirlarni kengaytiradi, qon bosimini me'yorlashtiradi, qon aylanishini yaxshilaydi va bosh og'rig'i, quloqdagi shovqinni kamaytiradi.
Katexinlar ichakdagi moddalar almashinuvini tezlashtiradi, mushaklar elastikligini saqlab, tez qarishning oldini oladi. Shuningdek, ko'k choydagi katexinlar og'izdagi streptokokk, ya'ni tishlarning chirishiga sabab bo'ladigan bakteriyalarni o'ldiradi.
Shuningdek, choydagi kofein va teobromin insonning doimo tetik bo'lishiga xizmat qiladi.
Shamollaganda ichilgan choy nafas olish yo'llaridagi hujayralarning yangilanishiga sabab bo'ladi. Bu esa kasallikning tezroq chekinishiga olib keladi. Choydagi V2 vitamini o'z navbatida terining chiroyli va tarang bo'lishini ta'minlaydi.
Shirinsizliksiz ichilgan choy tishlar uchun foydali. Chunki choyning tarkibidagi ftor tish emalini mustahkamlaydi.
Ayniqsa, ko'k choyni sevib iste'mol qilgan odamlarning asabi tinchlanadi, uning ta'sirida miya kislorodga to'yinib, yaxshi ishlay boshlaydi.
Choy organizmdagi barcha zararli moddalarning kushandasidir. Choy hattoki og'ir metallarni chiqarishga, jigar, buyrakni tozalash, oshqozon faoliyatini yaxshilash xususiyatiga ega.
Ko'k choy keksalar uchun shifobaxsh ichimlik sanaladi. Ushbu ichimlikni muntazam ichib turish osteoporoz, insult va kognitiv buzilishlar kabi kasalliklar profilaktikasida ijobiy ta'sirga ega.
Ko'k choy yordamida ortiqcha vazndan xalos bo'lish mumkin. Sababi, choy organizmdagi moddalar almashinuvini a'lo darajada yo'lga qo'yadi.
Ko'k choyda vitaminlar miqdori qora choydagiga nisbatan o'n barobar ko'proq. Unda, ayniqsa, V guruhi vitaminlarining faolligi juda yuqori.
Muntazam ko'k choy iste'mol qilish sellyulit yuzaga kelishining oldini oladi.
Ko'k choydan tayyorlangan kompresslar ko'zdagi toliqishni bartaraf etib, tabiiy go'zallik taqdim etadi.
KO'K ChOY FOYDALIMI YoKI
QORA ChOY?
Ilmiy tekshiruvlardan shu narsa ma'lumki, qora choy tayyorlanish vaqtida uning foydalilik xususiyati ikki marta qisqaradi. Bu bilan qora choy ichish mumkin emas, u foydasiz demoqchimasmiz. Vaziyatga qarab, ko'k va qora choyga bir-birini to'ldiruvchi damlamalar sifatida qarash o'rinli!
Dietologlar tushlik vaqtigacha qora choy ichishni, tushlikdan keyin ko'k choy ichishni tavsiya etishadi. Sabab sifatida esa tushlikkacha organizm tetik holatda saqlanishini, kechasi esa organizm toksinlardan tozalanishi kerakligini ko'rsatishadi.
Ko'k va qora choylardagi efir moddalarining vaqt o'tgan sari tarkibining o'zgarishi choylarning qaysi vaqtda ichilishini hamda ta'sirini belgilab beradi.
Choy damlagach, uni 2 daqiqa ichida ichish odamni tinchlantiradi.
5 daqiqa oralig'ida ichish ish qobiliyati tiklanishini ta'minlaydi.
XALQ TABOBATIDA KO'K ChOY
Yuqorida sanab o'tganimizdek, eng yaxshi va foydali ko'k choy — organik choy. Asal qo'shilgan choyning ta'mi yanada yoqimli bo'ladi. Ko'k choyda vitamin, mineral va organizmning umumiy holatini yaxshilashga yordam beradigan antioksidantlar ko'p. Bu ichimlik miya uchun foydali, quvvat bag'ishlaydi, hatto saratonga qarshi kurashda yordam beradi.
Ko'plab tadqiqotlardan ma'lum bo'lishicha, ko'k choydagi antioksidantlar saratonning ko'p turlariga, jumladan, ko'krak, bachadon, prostata va yo'g'on ichak saratoniga qarshi kurashishga yordam beradi.
Ko'k choy antibakterial xususiyatga ega. Xuddi ana shu xususiyati bilan gripp viruslarini o'ldirib, infeksiyalar paydo bo'lish xavfini kamaytiradi.
Ko'k choy ikkinchi turdagi diabetga qarshi kurashadi. Bu borada, ayniqsa, ko'k yasminli choy foydali. U insulinga nisbatan sezuvchanlikni oshiradi, shuningdek, qondagi qand miqdorini kamaytiradi. Muz solingan ko'k choy esa qondagi qand miqdori bilan birga diabetning paydo bo'lish xavfini ham kamaytiradi.
Zulfizar ISOQOVA tayyorladi.
. WapUsta
13.10.2017 / 14:41
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!
Ulashish
Yangilik yoqdimi? Do'stlaringiz bilan ulashing: