Xayirli kun, Mehmon!
Soat: 14:56
Kirish |  A'zo bo'lish (Bepul)
Tavsiya qilamiz
» Asal qizlar rasmlari (+18)
» Butsa.Uz - Futbol xabarlari
» Jinsiy olatni kattalashtirivchi №1 maxsulot
» Chocolate Slim Ozish uchun tabiiy kompleks
» Ajoyib yangiliklar telegram kanalida
Oxirgi marta qachon maktub yozdingiz?
@chiroyli_comYangiliklarni Telegramda o'qing!
.. Yuklab olish

Buvim doim qutichada eskirib, sarg'ayib ketgan allaqanday qog'ozlarni saqlardi. Ba'zan qo'liga olib, nursiz ko'zlaribilan ularga uzoq tikilar, xo'rsinib ko'z yoshi qilar edi. Sarg'ayib, yozuvlari ko'rinmay ketgan qog'ozlarda nimalar yozilganiga qiziqardim, albatta. Biroq buvimdan hayiqibmi yoki andisha sababmi, qutiga qo'l tekkizmasdim. Faqatbuvim hayotdan ko'z yumganidan keyingina qutichani ochishga jazm etdim…
Qutichada buvimning o'z qo'li bilan bobom uchun tikkan ro'molchasi, sirg'alari va sarg'aygan, yozuvlari ko'rinmay ketgan maktublar bor ekan. Ularni o'qiy boshladim. Angladimki, bularni bobom xizmat safarida yurganida buvimga yozgan. O'qir ekanman, bobomning yonginasida turgandek his qildim o'zimni. Go'yo bobom buvim bilan suhbatlashardi. Men esa ularning suhbatini chetdan kuzatardim. Sezdim, buvim bobomni sog'inganida maktublarini qayta-qayta o'qib, taskin topar ekan. Maktublarni qo'limda tutgancha shu paytgacha hech kimga maktub yozmaganimni o'yladim. «Nima uchun shu paytgacha hech kimga maktub yozmaganman-a?», deya o'zimga-o'zim savol berdim. «Axir, mening ham maktub yozishim kerak bo'lgan insonlarim talaygina-ku!» Savolimga esa yana o'zim javob berdim. «Bugungi internet zamonida maktub yozib o'tirishga hojat yo'q. Biroq…»
Soniyalar sayin taraqqiy topib borayotgan texnika asri barchamizni lol qoldiryapti. Avvallari choparlar, kabutarlar va pochta xodimlari o'tagan vazifani bugun birgina ijtimoiy tarmoq bajaryapti. Qolaversa, bunga soniyalar kifoya. Biroq bobomning maktublarini o'qib, menda bir savol tug'ildi: ular maktub bergan zavqni bera olarmikan?
«O'tkan kunlar» romanini har safar o'qiganimda, o'zim uchun yana bir yangilikni kashf qilaman. Bu safar Kumushning Otabekka yo'llagan maktubini o'qib, qandaydir notanish hislar qalbimni chulg'ab oldi. Ularga havasim ham keldi… Chunki bu maktub muhabbatlarining bir parchasi bo'lib qoladi. Bugun-chi? Muhabbat izhorlari soniyalik SMSlarga jo bo'lib, o'z qadrini yo'qotmayaptimikan?
Dugonam doim chet mamlakatda yashaydigan do'stlariga maktub yo'llardi. Bu menga erish tuyulardi. Bobomning buvimga yozgan maktublarini o'qigach esa, o'zim ham Buxoro viloyatida xizmat qilayotgan akamga maktub jo'natdim. O'sha kuniyoq javobini kuta boshladim. Bu kutish oddiy avtobus yoki ochiqqanda taom tayyor bo'lishini kutishga o'xshamas ekan. Unda hayajon va entikish bir-biriga qo'shilib ketarkan. Javob maktubini o'qish esa hammasidan ham zavqliroq bo'larkan. O'sha lahzada men maktub nima-yu, u insonga nima beradi, degan savollarning javobini o'zim uchun kashf qildim. Akam ham o'z javob xatida «Sira kutmagandim maktub yozishingni. Endi o'zimni askardek his qildim», deb yozibdi. Axir, shu birgina maktubim bilan akamda mudrab yotgan yigitlik burchini uyg'otgan bo'lsam, ajab emas.
Bugun telefon yoki kompyuterlarsiz hayotimizni tasavvur qilish qiyin. Ularsiz hayotdan uzilib qolgandek bo'lamiz. Ish, o'qish va hatto, ovqatlanayotganimizda ham ular biz bilan birga. Muloqot qilishning oson vositasi. Lekin ba'zan biz uchun notanish bo'lib borayotgan narsalarni ham amalda qo'llab turishimiz lozim. Zero, tarixdan bizga meros an'analarning ham o'z gashti va qadri bor.
Iroda MIRHAMIDOVA,
«Oila davrasida»
. Aman (WapUsta)
12.10.2017 / 13:54
Fikrlar
Saytimizga a'zo bo'ling va yangilikga Izoh qoldiring!
Umumiy: 1
Ulashish
Yangilik yoqdimi? Do'stlaringiz bilan ulashing: