LOGOTIPE
Xayirli kech, Mehmon!
Soat: 20:05
Kirish A'zo bo'lish
REKLAMA
Demokratiyada cheklash degan tushuncha bormi?
MUHARRIR: wapusta

14 NOYABR, 13:15 / KO'RILDI: 26

Feysbuk normal ishlamayotganiga ikki yarim oy bo'ldi. Bir yarim oydan beri Yutub orqali video ko'rishda muammolar bor. VPN’ning har turidan foydalanyapmiz, chunki borlariga qarshi choralar ko'rilyapti.

OAV orqali mamlakatimizda bo'layotgan demokratik islohotlarga dunyo tan beryapti deyishni qoyillatamiz. Bizni maqtashlarini xohlaymiz. Shu o'rinda savol tug'iladi: Feysbuk va Yutub faoliyatini cheklash ham demokratik islohotlarning bir qismimi? Demokratiyada cheklash degan tushuncha bormi?

Diniy huquq va erkinliklarimiz cheklanganiga shu qadar o'rganib qoldikki, hatto buning uchun rahmat aytyapmiz. Endi dunyoviy huquqlarimiz ham cheklanyapti. Buning uchunam rahmat aytaylikmi? Aytaveramiz, shunga o'rganib qolganmiz.

Men o'z Vatanimni yaxshi ko'raman. Shu erda tug'ildim, ulg'aydim. Shu erda yashagim keladi. Lekin o'pkam to'lib nafas ololmayapman. Shavkat Rahmon aytganidek, «Osmon to'la havolar, faqat menga etmaydi».

Feysbuk va Yutubni bloklagan mutasaddilar bu bo'yicha biror bir tushuntirish berganlari yo'q. Bu ham g'alati. Men ularga bir gapni aytmoqchiman: bu «islohot»dan ko'zlagan maqsadingiz bo'lsa, ochiq ayting. Qachon tugashini ham bildiring, odamlar shunga qarab chorasini ko'radi. Bu harakatlaringiz orqali davlatga, hukumatga ishonchi qayta uyg'ongan odamlarning ishonchini poymol qilyapsizlar. Kimdir uchun bu holat og'riqli emasdir, ammo menga alam qilyapti.

Payg'ambarimiz sollallohu alayhi vasallam dedilar: "Agar uyalmasang xohlaganingni qil!"

Muhammad Temur A'zam,

Azon.uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!