Xayirli tun, Guest!
Soat: 01:45
Tavsiya qilamiz
MILLION JAMOASI KONSERT 2021
LoginA'zo bo'lish
AQSh uchinchi jahon urushiga qanday tayyorgarlik ko'rmoqda?

 7 APREL, 01:05 103

.

AQSh harbiy-havo kuchlari muntazam ravishda mashqlarni o'tkazmoqda, ularda buyuk derjavalar o'rtasida keng ko'lamli “havoda qarama-qarshilik”ni modeli tayyorlanadi. Bu haqda The National Interest nashrida chop etilgan sharhlovchi Kris Osborn maqolasida bayon etilgan. RIA Novosti.

Ta'kidlanishicha, Red Flag mashqlari paytida AQSh HHK tajribali va yaxshi qurollangan, havo hujumi tizimlari, mudofaa va yuqori texnologiyali beshinchi avlod samolyotlariga ega bo'lgan "qizil jamoa" deb nomlangan raqibga duch keladi.

Mutaxassisning so'zlariga ko'ra, AQSh shu tarzda uchinchi jahon urushiga tayyorgarlik ko'rmoqda.

"Havoga qarshi kurash taktikasi Red Flag mashqlari senariylarida asosiy yo'nalish bo'lib qolmoqda, shuningdek kosmosda va kiber makonda yuzaga kelishi mumkin bo'lgan tahdidlarni ham hisobga olinmoqda", - deyilgan xabarda.

Sharhlovchi ta'kidlashicha, kosmos yoki kiber makonda tahdidlar paydo bo'lganda, raqibning havo hujumidan mudofaa tizimini yo'q qilish AQSh HHK uchun eng qiyin vazifa bo'lib qoladi.

NATO davlatlarining Rossiya Federatsiyasi bilan kuch pozitsiyasidan muloqot qilishga urinishlari, tabiiyki, qattiq qarshiliklarni keltirib chiqarmoqda.

Rossiyaning g'arbiy chegaralari yaqinida AQSh armiyasi mavjudligi - provokatsion o'sishi AQShning g'arb, Tinch okeani chegaralari bo'ylab “aks-sado” bermasligining ilojisi yo'q.

"Belgorod" eksperimental suvosti kemasi va termoyadroviy "Poseydon" buni "sheriklarga" eslatib turadi.

5 aprel kuni harbiy-sanoat majmuasidagi manbaning ma'lum qilishicha, “Poseydon” dengiz pilotsiz uchar qurilmalari tashuvchisi - 09852 loyihasi “Belgorod” eksperimental atom suvosti kemasining reaktori allaqachon ishga tushirilgan. Suvosti kemasi sentyabr oyigacha sinovlarni yakunlab, okeandagi xizmatini boshlaydi. Shvartovka sinovlari olib borilmoqda, ya'ni kema qurilishining sifati, jihozlarni o'rnatish va sozlash, asosiy elektr stantsiyasi, mustahkamligi va xavfsizlik tizimlari tekshirilmoqda.

Tinch okean flotining bazalaridan biri “Poseydon”ning doimiy joylashuv punktiga aylanadi, eksperimental suvosti kemasi esa Jahon okeanining istalgan joyida qo'yilgan vazifalarni hal qila oladi. 2027 yilgacha amaldagi davlat qurollanish dasturi bo'yicha Rossiya 3 dona bu kabi suvosti kemasini quradi.

Rossiya prezidenti Vladimir Putin ilk bor “Poseydon” tizimini ishlab chiqarilishini 2018 yilda e'lon qilgandi (“Belgorod” 2019 yil 23 aprelda suvga tushirilgan), samolyot tashuvchilar guruhlarini, qirg'oqdagi istehkomlarni va raqib infratuzilmasi uning asosiy maqsadlari etib belgilab olindi. Bunday vositalar yordamida Putin "bir qutbli o'yin" qoidalarini o'zgartirishga va'da bergandi. O'sha paytda AQSh rasmiy vakillari yangi qurolni "texnik jihatdan to'qima va ishonib bo'lmaydigan" qurol sifatida ochiqchasiga hazar qilishdi. Bugungi AQSh Davlat departamenti 2M39 “Poseydon” qit'alararo yadroviy torpedaning paydo bo'lishidan alohida tashvish bildirmoqda.

Umuman olganda, "sheriklar" tobora o'sib va mustahkamlanib borayotgan Rossiya harbiy-dengiz flotidan bezovtalanishmoqda, (Business Insider ma'lumotlariga ko'ra) uning tarkibiga 360 dona kema, 59 dona suvosti kema (12 ta dengiz osti kreyser - ballistik raketalar bilan) kiradi.

Noyob ko'rsatkichlar

09852 loyihasi “Belgorod” ko'p maqsadli suvosti kemasi - bu “Poseydon” tizimi uchun maxsus moslashtirilgan uchinchi avlod 949A “Antey” loyihasining eksperimental “reinkarnatsiya”si (“Antey” dastlab “Granit” kemaga qarshi raketalarini tashuvchisi bo'lgan).

“Poseydon” - juda jiddiy tiyib turish instrumenti hisoblanadi. U 1000 metr chuqurlikda 10 ming kilometrgacha bo'lgan masofada, 100 tugun (185 km/s dan ortiq) tezlikda harakatlana oladigan atom energetik ustanovkaga ega qit'alararo strategik qit'alararo suv osti apparati.

Sinovlar "aql bovar qilmaydigan" ko'rsatkichlarni va uzoq masofani tasdiqladi. “Poseydon” ehtimoliy raqibning barcha mavjud va istiqbolli suvosti kemalari, torpedalari va raketalari uchun erishib bo'lmaydigan chuqurlik va tezlikda harakatlana oladi.

Okeanda bunday "torpedo" ni topish oson emas, past tezlikda u deyarli shovqinsiz suzib ketadi. Avtonom boshqaruv tizimi dengiz osti kemalariga qarshi chiziqlarni, boshqa mudofaa tizimlarini aniqlash va chetlab o'tishga imkon beradi. Uzunligi 24 metr va diametri taxminan 1,6 metr bo'lgan yadroviy dvigatelli apparat odatiy yoki megaton snaryad bilan jihozlanishi mumkin. Bunday qurol faqat Rossiyada, dunyodagi hech bir davlat “Poseydon”ga qarshi himoya vositasiga ega emas.

Avvalroq AQSh boshchiligidagi kollektiv G'arb NATOni sharqqa kengaytirib, Sharqiy Evropada global raketalarga qarshi mudofaa tizimini shakllantirish - hujum “Tomagavk” va boshqa o'rta masofaga mo'ljallangan raketalarni Rossiya chegaralari yaqinida joylashtirish orqali Rossiya Federatsiyasining strategik yadro kuchlari salohiyatini "nol" qilishga urindi.

“Poseydon” qit'alararo tizimi "sheriklarga" ko'p qutbli dunyoning shafqatsiz haqiqatiga qaytishga yordam beradi, u erda tajovuzkorga jazo muqarrar.

Ajablanarlisi shundaki, “Qiyomat kuni torpedasi” erta sinov jarayonida 2019 yil fevral oyida AQSh strategik qo'mondonligini (STRATCOM) tashvishga solgandi. Kongress yig'ilishida STRATCOM rahbari Jon Xayten “Poseydon” yangi qurol tizimi sifatida SNV-3 shartnomasi cheklovlariga kirmasligi, AQShda esa analoglari ishlab chiqarilmayotganligini ta'kidlagandi.

"Xabarovsk" atom suvosti kemasi (loyiha 098531) qit'alararo dronlarning tashuvchilari liniyasini ochadi. Dengiz osti kemasining asosiy xususiyatlari maxfiylashtirilgan. Ochiq manbalardan olingan ma'lumotlarga ko'ra, kema bortida 6ta uchuvchisiz "Qiyomat kuni torpedalarini" ko'tarishga qodir bo'lgan yangi yadroviy ustanovka bilan jihozlangan. Kemaning suv sig'imi 10 ming tonna, suv ostida tezligi 32 uzelgacha, suvga botish chuqurligi 500 metr, avtonomligi 120 sutka, ekipaj - 100 kishidan iborat. Submarinaning korpusi eng yangi strategik raketa tashuvchisi “Borey”ga o'xshaydi.

Shuni yodda tutish kerakki, dron Shimoliy yarim sharning istalgan joyidan AQSh qirg'oq chizig'iga etib borishi mumkin, undan faqat Rossiyaga qarshi tajovuz qilinganda qo'llaniladi.

Eslatib o'taman, bu Rossiya emas, AQSh juda uzoq bahona bilan O'rta va qisqa masofaga uchadigan raketalarni yo'q qilish to'g'risidagi shartnomadan chiqdi, 2020 yilda harbiy byudjetni esa 750 milliard $ ga oshirdi, (bu miqdor dunyoning barcha boshqa davlatlarining mudofaa xarajatlari bilan taqqoslash mumkin). Rossiyaning ko'p maqsadli okean tizimi - "sheriklarga" ogohlantirish, Pentagon va NATOning Sharqiy Evropada zarba berish salohiyatining xavfli kontsentratsiyasiga assimetrik javobdir.

Manba: aniq.uz

Yangiliklarni Telegramda o'qing!
Saytimizga a'zo bo'ling va yangilikga Izoh qoldiring!
!
telegram
© CHIROYLI.COM, 2012-2021™