LOGOTIPE
Xayirli kech, Mehmon!
Soat: 21:11
Kirish A'zo bo'lish
REKLAMA
Samarqandda ayolni echintirib, buni videoga olgan IIB xodimi ustidan sud davom etmoqda
MUHARRIR: wapusta

14 NOYABR, 11:50 / KO'RILDI: 27

Jinoyat ishlari bo'yicha Samarqand viloyat sudida Kattaqo'rg'on shahar IIBning sobiq xodimi San'at Umarov ustidan sud jarayoni davom etmoqda, deb yozadi Repost.

U O'zbekiston Respublikasi Jinoyat kodeksining 206-moddasi (hokimiyat yoki mansab vakolati doirasidan chetga chiqish) 1-qismi va 235-moddasi (qiynoqqa solish va boshqa shafqatsiz, g'ayriinsoniy yoki qadr-qimmatni kamsituvchi muomala hamda jazo turlarini qo'llash) 2-qismi «a» bandi,  shuningdek, 241-moddada (Jinoyatni hisobga olishdan qasddan yashirish) nazarda tutilgan jinoyatlarni sodir etganlikda ayblanmoqda.

19 oktyabr kuni boshlangan sud majlislarida ayblov xulosasi, sudlanuvchi S. Umarovning hamda jabrlanuvchi N. Toshmatovaning ko'rsatmalari tinglandi. Sud tergovi bo'lib o'tdi, uning doirasida guvohlar so'roq qilindi. Sud jarayoni davom etmoqda.

Eslatib o'tamiz, shu yilning 3 iyun kuni Kattaqo'rg'on shahar IIB binosida tezkor vakil San'at Umarov va boshqalar ayol kishini o'g'irlik qilganlikda ayblab haqorat qilgan va echinishga majburlagandi. Umarov ushbu jarayonni videoga yozib olgan, tasvir keyinchalik internetda tarqalib ketgandi.

Avvalroq Samarqand viloyati Kattaqo'rg'on shahrida qip-yalang'och echinishga majbur qilingan gumonlanuvchi ayol o'g'li bilan birgalikda o'g'irlik bilan qo'lga tushgani xabar berilgan edi.

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!