Kirish | A'zo bo'lish
Tavsiya qilamiz:
» BUTSA.NET - futbol yangiliklari
» UzDERBI.NET - futbol yangiliklari
» UzMadrid.NET – "Real Madrid" muxlislari!
Farg'onada yangi bozor foydalanishga topshirildi
MUHARRIR: WapUsta

15 DEKABR, 14:05 / KO'RILDI: 121

14 dekabr kuni Farg'ona viloyati Toshloq tumani markazidagi “Savdo majmuasi” va “Dehqon bozori”ning tantanali ochilish marosimi bo'lib o'tdi. Bu haqda viloyat Soliq boshqarmasi "Xalq so'zi"ga xabar berdi.

Unda viloyat hokimi o'rinbosari Akmaljon Ortiqov so'z olib, tuman aholisini zamonaviy tarzda rekonstruktsiya qilingan savdo majmuasi va bozor ochilishi bilan tabrikladi.

Prezidentimizning 2017 yil 27 martdagi “2017 — 2019 yillar davrida dehqon bozorlarini rekonstruktsiya qilish va ularning hududida zamonaviy savdo majmualari qurish dasturini tasdiqlash to'g'risida”gi 2853-sonli qaroriga asosan rekonstruktsiya qilingan Toshloq tumanidagi “Savdo majmuasi” va “Dehqon bozori”ning qurilish-ta'mirlash ishlari “Saodat Trans” MChJ tomonidan 2018 yilning may oyida boshlangan bo'lib, 14 dekabrga qadar zamonaviy ko'rinishga keltirildi. Ushbu inshootlarning qurilish-ta'mirlash ishlari uchun jami 3,2 milliard so'm mablag' sarflandi.

Tadbirda qator davlat tashkilotlari vakillari bilan birgalikda viloyat davlat soliq boshqarmasi boshlig'i o'rinbosari Nazirjon Polvonov ham ishtirok etib, “Dehqon bozori” va zamonaviy “Savdo majmuasi”da oziq- ovqatlar hamda qishloq xo'jaligi mahsulotlari savdosini samarali tashkil etilishi va ularning qoshida savdo-xarid korxonalari tashkil qilinishini ko'zdan kechirdi. Shu bilan birga, bozor va savdo majmuasida faoliyatini boshlagan tadbirkorlar, sotuvchilar va xaridorlar bilan suhbat uyushtirdi.

“Dehqon bozori” quruq va ho'l mevalar rastasi, non rastasi, sut va sut mahsulotlari rastasi, tuxum rastasi, guruch rastasi kabi turli xil rastalarga bo'lingan bo'lib, sotuvchilar va xaridorlar uchun qulay sharoitlar yaratilgan.

Shuningdek, “Savdo majmuasi”ning old tomonida Toshloq tumani chorva fermer xo'jaliklari go'sht rastasi tashkil etilgan bo'lib, mol go'shti arzonlashtirilgan narxda, 33 ming so'mdan 35 ming so'mgacha sotilmoqda.

Bundan tashqari, bayram yarmarkasi ham tashkil etilgan bo'lib, bu erda aholi ehtiyojlari uchun zarur bo'lgan yog', guruch, kartoshka, piyoz, sabzi kabilar, bayram arafasida xaridorgir bo'lgan olma, anor, nok, banan, mandarin, kivi singari mevalar arzonlashtirilgan narxlarda savdoga qo'yilgan.

 

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!