LOGOTIPE
Xayirli kun, Mehmon!
Soat: 18:09
Kirish A'zo bo'lish
REKLAMA
“GM Uzbekistan” AJ to'rtinchi chorakda 87 ming dona avtomobil ishlab chiqaradi
MUHARRIR: wapusta

14 NOYABR, 11:35 / KO'RILDI: 8

Davlatimiz rahbari Andijon viloyatiga tashrifi chog'ida “GM Uzbekistan” AJdagi ish jarayoni bilan tanishib, uning faoliyatiga tanqidiy baho bergan edi.

Bu esa jamoani yangicha ishlash, dunyo tajribasidan foydalangan holda, iqtisodiy samaradorlikka erishishga undadi. Natijada Rivojlanish kontseptsiyasi ishlab chiqildi.

Unga binoan, 2025 yilga qadar korxonada kadrlar siyosatini tubdan o'zgartirish, texnologik yangilanishlarga asos solish, yangi modellarni joriy etish kabi o'nlab masalalar yuzasidan aniq rejalar tuzildi.

Kontseptsiya hozirdanoq o'zining ijobiy samarasini bera boshlagani e'tiborga molik. Buni quyidagi raqamlardan ham bilish mumkin. Misol uchun, yilning birinchi choragida mahsulot ishlab chiqarish ko'lami 40 ming donani tashkil etgan bo'lsa, bu ko'rsatkich uchinchi chorakda 50 mingtaga etdi. To'rtinchi chorakda esa 87 ming dona avtomobil ishlab chiqarilishi rejalashtirilgan. Zavodda bu qadar yuksak ko'rsatkich ilk marotaba kuzatilayotganini hisobga olsak, Rivojlanish kontseptsiyasi iqtisodiyotimiz uchun ham, mijozlar talab-istaklari uchun ham muhim ahamiyatga ega ekanligiga amin bo'lamiz.

Avtomashina ishlab chiqarish jarayoni murakkab bosqichlarni o'z ichiga oladi va bir dona avtomobilni tayyorlash uchun 5 mingdan 10 ming donagacha bo'lgan detal hamda ehtiyot qismlardan foydalaniladi. Ularni etkazib berish maqsadida 100 dan ortiq ishlab chiqaruvchi korxonalar bilan hamkorlik qilinmoqda. Shunday bo'lishiga qaramay, detallarning 30 — 40 foizi import hisobiga olib kelinadi. Bu esa korxonada mahalliylashtirish ko'lamini kengaytirish, shu orqali mahsulot tannarxini arzonlashtirishga erishishni taqozo qilmoqda.

Ushbu masala yuzasidan korxonada mahalliy tadbirkorlar bilan doimiy uchrashuvlar tashkil etilib, ularning istiqbolli loyihalari o'rganilyapti. Har bir tadbir mobaynida 100 dan ortiq ishlab chiqaruvchilarning 70 ga yaqin loyihalari o'rganishga qabul qilinayotganligi bu boradagi masalalarning ijobiy echimi sari intilishlar davom etayotganidan dalolatdir.

— Maqsadimiz davriy avtomashinalar emas, balki yuqori texnologik sifatga ega bo'lgan avtomobillar tayyorlashdan iborat, — deydi korxonaning ishlab chiqarish bo'yicha boshqaruvchi direktori Akromjon To'xtaboev. — Zero, mahsulotimizga bo'lgan talab kun sayin ortib borar ekan, biz ham yangilanishlar ustida izlanishimiz, xaridorlar xohishini inobatga olgan holda, yangi modellarni taqdim etishimiz kerak. Ana shu maqsadda boshlangan yangi loyihalar mijozlarga ma'qul bo'lishidan umidvormiz.Saminjon HUSANOV, «Xalq so'zi» muxbiri.

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!