Xayirli tun, Guest!
Soat: 03:04
LoginA'zo bo'lish
Botir Qurbonov: "O'zbekistonda AstraZeneca ikki marta, ZF-UZ-VAC2001 vaktsinasi esa uch marta q

 6 APREL, 19:55 90

.

Mamlakatimizda o'tkazilayotgan vaktsinatsiya, aholini ommaviy emlash tadbirlari bo'yicha SSV Matbuot xizmati savollariga Sanitariya-epidemiologik osoyishtalik va jamoat salomatligi xizmati rahbari o'rinbosari Botir QURBONOV javob berdi.

— Ayni paytda mamlakatimizda qancha vaktsina bor va to'liq emlanish uchun necha marta vaktsina qabul qilish kerak?

— Butun dunyo, xususan, mamlakatimizda bir yildan ortiq davom etayotgan pandemiya davri jamiyatimizga o'zining salbiy ta'sirini ko'rsatmay qolmayapti.

Yuqumli kasalliklar bo'yicha eng samarali profilaktika bu — vaktsinatsiya, aholini ommaviy emlash hisoblanadi. Dunyoning ko'pgina mamlakatlari qatorida o'tgan yil dekabr oyidan boshlab yurtimizda ham aholini ommaviy emlash jarayonlariga tayyorgarlik boshlab yuborilgan edi. Xabaringiz bor, Zhifei Longcom Biopharmaceutical Co.Ltd kompaniyasi tomonidan yurtimizda 3-bosqich sinovlari muvaffaqiyatli o'tgan, o'zbekistonlik mutaxassislar hammuallifligida yaratilgan ZF-UZ-VAC2001 vaktsinasining 1 million dozasi Xitoydan olib kelingan edi.

Bundan oldinroq esa, COVAX global hamkorligi doirasida 660 ming doza “COVID-19”ga qarshi AstraZeneca vaktsinasi ham olib kelinganligi haqida xabar bergan edik. Shu kunlarda qizg'in davom etayotgan vaktsinatsiya jarayonlari uchun jami 1 million 660 ming doza miqdoridagi vaktsinadan foydalanilmoqda.

Fuqarolar AstraZeneca vaktsinasini ikki marta, ZF-UZ-VAC2001 vaktsinasini esa uch marta qabul qilgach, to'liq emlangan hisoblanadi. Fuqarolar qaysi vaktsina bilan emlanishni o'zlari tanlashi mumkin.

Eslatib o'tamiz, aprel oyining boshidan beri 35 ming nafardan ortiq kishi koronavirusga qarshi emlandi. Eng muhimi, shu kunga qadar emlanganlar orasida biror marta nojo'ya ta'sirlar kuzatilmadi.

Manba: aniq.uz

Yangiliklarni Telegramda o'qing!
Saytimizga a'zo bo'ling va yangilikga Izoh qoldiring!
!
telegram
© CHIROYLI.COM, 2012-2021™