Xayirli tun, Mehmon!
Soat: 22:00
Kirish |  A'zo bo'lish (Bepul)
Tavsiya qilamiz
» Asal qizlar rasmlari (+18)
» Titan Gel - zakaz berish + info
» Butsa.Uz - Futbol xabarlari
» Chocolate Slim - zakaz berish +info
Kataloniya mustaqilligi Ispaniyaga qanchaga tushadi?
 Bo'lim: Sport
 Sana: 04.10.2017 / 08:43

Yakshanba kuni Ispaniyaning Kataloniya muxtor viloyati aholisi o‘rtasida mustaqillik uchun referendum o‘tkazilgan edi. Ispaniya hukumati Kataloniyaning mustaqillik referendumiga uzoq yillar qarshilik qilib keldi. Referendum o‘tkazilgan kuni Kataloniyada yuz bergan voqealar Ispaniya shimoli-sharqidagi boy viloyatidan osonlikcha voz kechish niyatida emasligini ko‘rsatdi. Kataloniya Ispaniya uchun qanday ahamiyatga ega?
Kataloniya muxtor viloyati 32 114 kvadrat km hududi bilan Ispaniya umumiy yer maydonining atigi 6,3 foizini egallaydi. Aholi zich joylashgan Kataloniyada qariyb yetti yarim million kishi yoki Ispaniya aholisining 16 foizi istiqomat qiladi.
Kichik hudud va kam sonli aholiga ega bo‘lgan Kataloniyaning iqtisodiy ko‘rsatkichlari juda yuqori. Viloyati yalpi ichki mahsuloti bo‘yicha Ispaniya viloyatlari orasida birinchi o‘rinda turadi. Kataloniya yillik 215,6 milliard yevrolik YAIM bilan Yevropa Ittifoqiga a’zo aksariyat mamlakatlardan oldinda turadi. Bu Ispaniya Qirolligida bir yilda ishlab chiqariladigan mahsulotning 20 foizi Kataloniya hissasiga to‘g‘ri keladi, demakdir.
YAIMning aholi jon boshiga nisbati bo‘yicha Kataloniya boshqa viloyatlardan biroz orqada. Ammo viloyatning ko‘rsatkichi bu borada mamlakatning o‘rtacha darajasidan yuqori hamda ijtimoiy tengsizlik darajasi ham juda pas. Shuningdek, boshqa ko‘rsatkichlar bo‘yicha birorta ispan viloyati Kataloniyaga tenglasha olmaydi.
Jumladan, Ispaniya eksportining chorak qismidan ko‘prog‘i yoki 65,2 milliard dollari Kataloniyaga to‘g‘ri keladi. Ispaniyaga kiritilgan xorijiy investisiyalarning qariyb 30 foizi ham Kataloniyaga yo‘naltirilgan. Kataloniya ishsizlik darajasi bo‘yicha (13,2 foiz) ham Ispaniyada eng yaxshi ko‘rsatkichga ega. Butun mamlakat bo‘yicha o‘rtacha ishsizlik darajasi 17,2 foizga teng bo‘lib turibdi. Eng asosiysi, Kataloniya qirollik byudjetiga tushadigan soliqlarning 21 foizini to‘lab keladi.
Manba:sof.uz
@chiroylicom Yangiliklarni telegramdagi kanalimizdan o'qish uchun Bu Yerni bosing @ChiroyliCom
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!
Ulashish
Yangilik yoqdimi? Do'stlaringiz bilan ulashing: