LOGOTIPE
Xayirli kech, Mehmon!
Soat: 21:22
Kirish A'zo bo'lish
REKLAMA
Shahar markazida Putin ko'rinishidagi dala qo'riqchisi paydo bo'ldi
MUHARRIR: wapusta

13 NOYABR, 23:50 / KO'RILDI: 25

 

Joriy yil 11 noyabr kuni noma'lum shaxslar Rossiyaning Perm shahridagi Markaziy univermag qarshisidagi ko'cha chirog'i ustuniga Rossiya Federatsiyasi prezidenti Vladimir Putin ko'rinishidagi dala qo'riqchisini (chuchelo) o'rnatib ketdi.   Putin ko'rinishidagi dala qo'riqchisi soat 17:00 atrofida Lenin va Komsomolsk ko'chalari kesishmasida paydo bo'lgan. Unga “Yolg'onchi. Harbiy jinoyatchi Piinya V.V.”, deb yozilgan.   Ma'lumotlarga ko'ra, politsiya “qo'riqchi”ni suratga olgan Libertarian partiyasining Perm bo'limi kotibi Aleksey Kotov va uning voyaga etmagan tanishini hibsga olgan. Keyinroq ular ma'muriy bayonnoma tuzmasdan qo'yib yuborilgan.   IIVning Perm o'lkasi bo'yicha boshqarmasi Putin surati tushirilgan dala qo'riqchisining o'rnatib ketilishi yuzasidan tekshiruv boshlagan.   Ma'lumot uchun, “Piinya” so'zi 2012 yilda suratga olingan qisqa rolikdagi shu nom bilan ataluvchi personaj sabab kelib chiqqan. U tuzumga qarshi muholifat tarafdorini aks ettirgan. Video mashhurlikka erishmagan. Biroq 2016-2017 yillarda viderolik tarmoqlarda yana bir bor tarqalgan. Mavjud vaziyatdan norozi internet foydalanuvchilari rolik qahramoniga yangi “hayot” berib, Vladimir Putinni “Piinya” deb atay boshlashgan.

Manba: qalampir.uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!