LOGOTIPE
Xayirli tun, Mehmon!
Soat: 00:52
Kirish A'zo bo'lish
REKLAMA
Merkel Evropa xavfsizlik kengashi tashkil etishni taklif qildi
MUHARRIR: wapusta

13 NOYABR, 23:15 / KO'RILDI: 2

 

Germaniya kantsleri Angela Merkel Evropa xavfsizlik kengashini tashkil etish taklifini bildirdi. U bu haqda Strasburgda Evroparlament deputatlari oldidagi nutqida aytib o'tdi.

“Men a'zolari almashinuvchanlik tamoyili bo'yicha ishlovchi va muhim qarorlarni tezroq tayyorlovchi Evropa xavfsizlik kengashini kiritishni taklif qildim”, deb aytgan Merkel.

U “uyushgan Evropagina jahon maydonida tinglanish uchun etarlicha kuchli bo'la olishini” aytgan va “kelishuvlar imkon beradigan sohalarda yagona qarorlarga kelish”ga chaqirgan.

Merkelning ta'kidlashicha, Evropa Ittifoqi mustaqilroq bo'lishi va “hamjamiyat sifatida omon qolish uchun o'z taqdirini o'z qo'llariga olishi kerak”.

Germaniya etakchisi, shuningdek, Umumevropa armiyasini tuzish g'oyasini qo'llab-quvvatlagan. Merkelning ta'kidlashicha, bunday armiya dunyoga Evropa davlatlari o'rtasida yangi urush bo'lishi imkoni yo'qligini ko'rsatgan bo'lardi. 

“Bu armiya NATOga qarshi armiya emas, balki NATOga yaxshi to'ldiruvchi bo'lardi. Shu sababli bu yo'nalishda ishni davom ettirish kerak”, deb qo'shimcha qilgan Merkel.

Umumevropa armiyasini tuzish tashabbusini o'tgan hafta Frantsiya prezidenti Emmanuel Makron bildirgandi. Uning aytishicha, Evropa hozirda uning ichki jarayonlari va kiberhududiga ko'plab aralashishga urinishlarga to'qnash kelmoqda va shu sababli o'zini Xitoy, Rossiya va hattoki AQShdan ham mustaqil himoya qila olishi kerak.

Makronning bu g'oyasini AQSh prezidenti Donald Tramp tanqid ostiga olgan. U bu taklifni haqoratomuz deb atagan va Evropa dastlab NATOga o'z ulushini to'lab qo'yishi kerakligini aytgan.

Manba: kun.uz

 

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!