LOGOTIPE
Xayirli kech, Mehmon!
Soat: 21:10
Kirish A'zo bo'lish
REKLAMA
Tergovdagi shaxs «Toshturma»da vafot etdi
MUHARRIR: wapusta

13 NOYABR, 22:50 / KO'RILDI: 26

«Chilonzor buyum savdo kompleksi» AJ bo'lim boshlig'i lavozimida ishlagan Dilshod Abdullaev 12 noyabr kuni 1-sonli Toshkent tergov izolyatorida vafot etdi. Uning yaqin qarindoshi ma'lumot berishicha, Abdullaevni 97 kun davomida «Toshturma»da saqlashgan.

Shu yilning avgust oyida Toshkentdagi yirik bozorlar rahbarlari rastrata yo'li bilan talon-toroj qilish ishida ayblanib, qo'lga olingandi. Ulardan biri «Chilonzor buyum savdo kompleksi» AJ Kapital qurilish bo'lim boshlig'i lavozimida ishlagan Dilshod Abdullaev edi. Bozor mutasaddi xodimlari O'zR Jinoyat kodeksining 167-modda 3-qismi «a» bandi, 168, 210 va 211-moddalarda nazarda tutilgan jinoyatlarni sodir etishda ayblanib, ularga nisbatan jinoiy qo'zg'atilgandi.

Abdullaevning yaqin qarindoshiga ko'ra, Dilshod joriy yilning 7 avgust kuni prokuratura xodimlari tomonidan qo'lga olingan.

«8 avgust kuni advokat kiritsak, «bu erda unday odam yo'q»,  degan javobni oldik. Prezident portaliga murojaat qilmoqchi bo'lib, to'polon qilganimdan so'ng, «yo'q, shu erda», degan javobni berishdi», - deydi marhumning qarindoshi.

Bosh prokuratura Matbuot xizmatining Kun.uz’ga ma'lum qilishicha, Dilshod Abdullaev o'z joniga qasd qilgan.

Xabarda aytilishicha, Abdullaev tergov davomida o'zini nomaqbul tutganidan shubhalangan prokuratura vakillari unga nisbatan sud-psixiatrik ekspertizasini tayinlashga qaror qilgan. Ekspertiza xulosasida 43 yoshli Dilshodning hech qanday ruhiy kasallikdan azoblanmayotgani va ruhiy kasalliklar ro'yxatiga qo'yilmagani ma'lum bo'lgan. 

«Tergov davomida fuqaro D.Abdullaevga nisbatan ruxsat etilmagan hech qanday metodlar qo'llanilmagan», - deya qo'shimcha qilingan Bosh prokuratura xabarida.

Vaziyatga aniqlik kiritish uchun jazoni ijro etish muassasasi rahbariyati bilan bog'lanishning imkoni bo'lmadi. Ayni chog'da Bosh prokuraturaga ham marhum qanday qilib, tergov hibsxonasida saqlanayotgan bir paytda, o'z joniga qasd qilgani va qanday vositadan foydalangani noma'lum. D.Abdullaevning o'limi bilan bog'liq holat yuzasidan tekshiruv davom etayotgani ta'kidlandi.

13 noyabr kuni Dilshod Abdullaevning vafoti munosabati bilan janoza bo'lib o'tdi. Marhumni so'nggi yo'lga 20 yoshli o'g'li, yaqin qarindoshlari, hamkasb va do'stlari kuzatib qo'ydi. 

Ayni paytda Bosh prokuratura tomonidan Toshkent shahridagi Savdo, xizmat ko'rsatish sohasi va xalq iste'mol mollari ishlab chiqarish departamenti va «Bek to'pi savdo kompleksi», «Chorsu buyum savdo kompleksi», «Chilonzor buyum savdo majmuasi», «O'rikzor savdo kompleksi» bozorlari, «Eski Jo'va dehqon bozori», «Yunusobod dehqon bozori» dehqon bozorlari va «Sergeli avtotransport va ehtiyot qismlari bozori» mansabdor shaxslariga nisbatan tergov davom ettirilmoqda. 

Bosh prokuraturaning Kun.uz'ga ma'lum qilishicha, ayni paytgacha jinoyat ishiga doir 53ta noqonuniy holat aniqlanib, 1,2 million AQSh dollari va 1,3 milliard so'mga teng korruptsion harakatlar «isi chiqqan».

Manba: kun.uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!