LOGOTIPE
Xayirli kun, Mehmon!
Soat: 17:21
Kirish A'zo bo'lish
REKLAMA
Samarqand viloyat IIB munosabat bildirdi: aslida fuqarolar IIB xodimini urgan
MUHARRIR: wapusta

13 NOYABR, 20:10 / KO'RILDI: 29

«Samarqandda IIB xodimi ayol kishini urib hushidan ketkazdi» nomli maqola e'lon qilgan edik. Mazkur holat yuzasidan Samarqand viloyat Ichki ishlar boshqarmasi rasmiy bayonot berdi. Bu haqda «Daryo» muxbiri Farhod Norbo'taev xabar bermoqda.

Viloyat Ichki ishlar boshqarmasi bergan ma'lumotga ko'ra, joriy yilning 19 oktyabr kuni, soat 21:30 atrofida, Samarqand viloyati IIB xodimi Rifat Hasanov fuqarolik kiyimida, xizmatdan tashqari vaqtda, turmush o'rtog'i G.Hasanova bilan yashash uyiga, o'ziga tegishli Lacetti rusumli avtomashinasida kelgan. Shu vaqtda uning avtomashinasi turargohida noma'lum Nexia rusumli avtomashina turganligini ko'rib, ushbu avtomashinani o'zining avtoturargohidan oldirib, o'z avtomashinasini qo'yishni maqsad qilgan.

Nexia rusumli avtomashinaning egasini chaqirish maqsadida uni qo'riqlash tizimini ishga tushirgan. Shu vaqtda Samarqand shahri, Sh.Rustaveli ko'chasida yashovchi qo'shnisi Samariddin Samatov kelib, ushbu avtomashinaga teginmasligini aytib, hech bir sababsiz xodim R.Hasanovga qo'pol munosabatda bo'lib, o'zaro tortishib qolgan.

Shundan so'ng, ushbu tortishuvga S.Samatovning 2 nafar noma'lum tanishlari va uning onasi Surayyo Ashuralievalar aralashgan. Natijada R.Hasanovning o'ng ko'z sohasiga, chap qo'l barmoqlari, bosh qismiga hamda tanasining boshqa joylariga urib, tan jarohati etkazgan.

Olingan tan jarohati sababli R.Hasanov 2018 yilning 20 oktyabr kuni Samarqand viloyati Reabilitatsiya markaziga o'ng qosh va o'ng ko'z qovoqlari lati, teri osti gematomasi, chap elka lat eyishi, chap qo'l 4-barmog'ining yopiq sinishi tashxisi bilan yotqizilgan.

To'plangan hujjatlarga ko'ra, o'zaro janjal vaqtida ichki ishlar organi xodimi R.Hasanovda mastlik alomatlari mavjud bo'lmagan. Hushyor holatda bo'lgan va S.Ashuralievaga hech qanday tan jarohati etkazilmagan. Aksincha S.Ashuralieva uning o'g'li S.Samatovlar javobgarlikdan qutilib qolish maqsadida, bir necha idoralarga murojaat qilganligi aniqlandi.

O'zbekiston Respublikasi Jinoyat-protsessual Kodeksining 345-moddasi 2-qismida mansabdor shaxslarning jinoyatlariga doir ishlar bo'yicha dastlabki tergov prokuratura organlarining tergovchilari tomonidan olib borilishi belgilanganligi sababli, ushbu holat bo'yicha tekshiruvni prokuratura organlari olib boradi.

Holat yuzasidan viloyat IIB mas'ul xodimlari tomonidan xizmat tekshiruvi hamda Samarqand shahar prokuraturasi tomonidan tergovga qadar tekshiruv harakatlari olib borilmoqda.

Voqealar rivojini kuzatishda davom etamiz.

 

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!