LOGOTIPE
Xayirli kech, Mehmon!
Soat: 21:24
Kirish A'zo bo'lish
REKLAMA
Kanallarda baliq etishtirish tartibi belgilandi
MUHARRIR: wapusta

13 NOYABR, 18:00 / KO'RILDI: 12

Adliya vazirligida “Sug'orish tarmoqlarida (kanallarda) baliq etishtirish tartibi to'g'risidagi nizomni tasdiqlash haqida”gi buyruq davlat ro'yxatidan o'tkazildi.

Unga ko'ra, sug'orish tarmog'ida baliq etishtirish sug'orish tarmog'ining chuqurligi yoki sayozligidan kelib chiqqan holda qafaslarda yoki sug'orish tarmog'ining qirg'oqlarini to'r bilan to'sish orqali amalga oshiriladi, deb yozmoqda vazirlik telegram-kanali.

Bunda, sug'orish tarmoqlarida baliq etishtirish qafaslarda suvning sathi 2,5 metrdan kam bo'lmagan joylarda, suv sathi 2,5 metrdan past bo'lgan joylarda sug'orish tarmog'ining qirg'oqlarini to'r bilan to'sish yo'li orqali amalga oshiriladi.

Baliq etishtirish sug'orish tarmog'ining texnik holatiga hamda suv oqimiga ta'sir ko'rsatmaydigan joylarda amalga oshirilishi shart.

Sug'orish tarmoqlarida baliq etishtirishni rejalashtirayotgan shaxs baliq etishtirishdan oldin tegishli hududdagi Tuman irrigatsiya bo'limini yozma ravishda xabardor qiladi.

Tuman irrigatsiya bo'limi baliq etishtirish rejalashtirilayotgan sug'orish tarmog'idan foydalanish hamda u bilan bog'liq masalalar yuzasidan tegishli tavsiyalar beradi.

Tuman irrigatsiya bo'limi baliq etishtirishni rejalashtirayotgan shaxsni sug'orish tarmog'ida bajarilishi rejalashtirilgan ta'mirlash ishlari hamda boshqa amalga oshirilishi lozim bo'lgan tashkiliy ishlar haqida oldindan ogohlantirishi zarur.

Manba: kun.uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!