Xayirli tong, Guest!
Soat: 08:02
LoginA'zo bo'lish
Rossiya dollardan voz kechishi uchun necha yil kerak?

 5 APREL, 17:35 100

.

Rossiya dollardan to'liq voz kechishi uchun 4-5 yil kerak bo'ladi, dedi investitsiyalar bo'yicha ekspert Maksim Shein.

Biroz oldin Rossiya Tashqi ishlar vaziri o'rinbosari Aleksandr Pankin AQSh siyosatining kutilmagan tomonga burilishi ehtimoli yuqori bo'lgani sababli o'zaro hisob-kitoblarda dollardan foydalanishni noqulaylik qilgani aytdi. Shu sababli Rossiya savdo aloqalarida dollarni cheklashga qaror qilganini xabar qilgan edi.

“Dollardan voz kechish mavzusi so'nggi yillarda ko'p marotaba ko'tarilgan edi, lekin bu safar u birinchi bor davlatning rasmiy kursi sifatida e'lon qilindi. Rossiya AQSh valyutasidan foydalanmaslikni nazarda tutuvchi tizim qurishi haqida gapirdi. Buning uchun 4-5 yil kerak bo'ladi, chunki yillar davomida shakllangan savdo va bank amaliyotlarini qayta ko'rib chiqish kerak bo'ladi”, - deydi Shein.

Ayni damda Rossiyada buning uchun barcha sharoitlar mavjud: etarli darajada oltin zaxiralari jamlangan, dollarda hisoblanadigan moliyaviy aktivlar miqdori ham kamaytirilgan, yangi to'lov tizimi ishga tushirilgan. Savdo hamkorlarning ham dollardan voz kechish istagi bor. Undan tashqari AQSh tomonidan ham buning uchun etarlicha asoslar yaratilmoqda (AQSh prezidentining Rossiyaga qarshi qaratilgan keskin bayonotlari), - deydi ekspert.

Eslatib o'tamiz, AQSh o'zining sanktsiyaviy siyosati bilan dollarga va AQSh davlat qarziga bo'lgan ishonchni buzayotganini bir necha marotaba ta'kidlangan edi. Shu bilan birga Rossiya hukumati iqtisodda dollarni taqiqlash niyatida emas. Ular shunchaki boshqa valyutalarda hisob-kitob qilish uchun qulay sharoit yaratishni nazada tutadi, xolos.

Manba: aniq.uz

Yangiliklarni Telegramda o'qing!
Saytimizga a'zo bo'ling va yangilikga Izoh qoldiring!
!
telegram
© CHIROYLI.COM, 2012-2021™