LOGOTIPE
Xayirli kech, Mehmon!
Soat: 21:16
Kirish A'zo bo'lish
REKLAMA
AQSh Adliya vazirligi: Eron SWIFTdan o'chirib qo'yildi
MUHARRIR: wapusta

13 NOYABR, 17:35 / KO'RILDI: 18

SWIFT Xalqaro Banklararo Axborot uzatish va To'lovlarni amalga oshirish tizimi AQShga Eron Markaziy banki va o'sha mamlakatdagi AQSh sanktsiyalari ro'yxatida bo'lgan boshqa tashkilotlarning xabar almashish tizimidan uzilganligini xabar qildi. Bu haqda AQSh moliya vazirining birinchi o'rinbosari Sigal Mandelker ma'lum qildi, deya xabar beradi Reuters.

AQSh moliya vazirining o'rinbosari Vashington Eronga qarshi sanktsiyalarni qat'iy ravishda tadbiq etishi va bosim o'tkazish uchun bu mamlakatga qarshi qo'shimcha choralar ko'rishini ta'kidladi.

Mandelker shuningdek, Evropa Ittifoqining AQShning sanktsiyalarini chetlab o'tib, Tehron bilan tashqi savdo hisob-kitoblari uchun maxsus mexanizm yaratish bo'yicha tashabbusi tashvishlantirmasligini ma'lum qildi.

U Evropaliklar bilan birgalikda ishlashi mumkinligaga va EIning maxsus to'lov mexanizmini yaratish rejalariga qaramay, Evropa kompaniyalari allaqachon Eronni tark etishni boshlaganligiga ishora qildi.

"Menimcha, Evropada yanada muhim yangiliklar shuki, Eronni juda ko'p miqdordagi kompaniyalar tark etmoqda", - dedi Sigal Mandelker.

"Men maxsus to'lov kanalidan umuman tashvishlanmayapman", dedi AQSh moliya vaziri o'rinbosari.

"Men birgalikda ishlashimiz mumkin bo'lgan qo'shimcha mexanizmlarni topishga ishonaman", dedi u.

"Eron bo'yicha qanchalik ko'p narsalarni, qanday bajarishimizni hali yana ko'rasiz," – deya va'da berdi Mandelker.

Eronga qarshi sanktsiyalarning ikkinchi qismi kuchga kirganini eslatib o'tamiz. Bu Eronning energetika sohasiga, neft bilan bog'liq ishlarga, Eron Markaziy banki hamda yuk va kema qurilishi bilan bog'liq tranzaktsiyalariga ta'sir qiladi.

Shuni ta'kidlash kerakki, dunyo davlatlari "oltiligi" a'zolari bilan yadro shartnomasi tuzilgandan so'ng va Tehronga nisbatan xalqaro sanktsiyalar bekor qilingach, Eron bank tizimi 2016 yilda SWIFTga birlashtirilgan edi.

Avval xabar berilganidek, o'tgan oyda AQSh moliya vazirligi SWIFT vakillari bilan 2012 yilda bo'lgani kabi, Eronni o'chirib qo'yish haqida muzokaralar ham o'tkazgan edi.

Manba: ufq. uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!