Bo'lim: Sport
 Sana: 26.08.2017 / 11:03

Yuklab olish

Germaniyaning Gamburg shahrida boks bo‘yicha jahon chempionati boshlandi.
-91 kg vazn toifasida ringga ko‘tarilgan bokschimiz ilk jangini nikaragualik Jeffi Gonsalesga qarshi o‘tkazdi. Sanjar Tursunov faoliyatidagi ilk JCH jangini juda yaxshi o‘tkazdi va yakunda 5:0 hisobida g‘alaba qozondi. Hakamlarning barchasi bir xil natija — 30:27 bilan o‘zbek bokschisining g‘alabasini e’tirof etishdi.
Bokschimiz navbatdagi jangini to‘rtinchi raqam ostida saralangan argentinalik Yamil Peralta Yaraga qarshi o‘tkazadi.
Eslatib o‘tamiz, terma jamoamizning eng yosh a’zosi hisoblangan Sanjar Toshkentda bo‘lib o‘tgan Osiyo chempionatining chorak finalida Olimpiada sovrindori hisoblangan qozog‘istonlik Vasiliy Levitga yutqazib qo‘ygandi. Keyinchalik, JCH yo‘llanmasi uchun bo‘lib o‘tgan jangda g‘alaba qozonib, Gamburg turnirida ishtirok etish huquqini qo‘lga kiritgandi. Yangiliklarni telegramdagi kanalimizdan o'qish uchun Bu Yerni bosing @ChiroyliCom