LOGOTIPE
Xayirli kech, Mehmon!
Soat: 21:11
Kirish A'zo bo'lish
REKLAMA
Ekaterinburgda O'zbekiston yangi konsulxonasi ochildi
MUHARRIR: wapusta

13 NOYABR, 15:20 / KO'RILDI: 12

 

Bugun Ekaterinburgda O'zbekiston Respublikasi yangi Bosh konsulxonasi ochilish marosimi bo'lib o'tdi, deb xabar qilmoqda Sputnik.

“Marosim mahalliy vaqt bilan soat 10:30da boshlandi. Unda O'zbekistonning Rossiyadagi favqulodda va muxtor elchisi Botirjon Asadov ishtirok etdi. Yangi Bosh konsulxonada O'zbekiston bayrog'i ko'tarildi”, - deyilgan xabarda.

Konsulxonaning rasmiy ochilish marosimiga bag'ishlangan tantanali qabul marosimi kechgi soat 19:00 da bo'lib o'tadi.

Eslatib o'tamiz, O'zbekistonning Rossiya hududidagi konsulxonalarining asosiy vazifasi - Rossiyada doimiy yoki vaqtincha yashayotgan O'zbekiston fuqarolarining huquq va manfaatlarini himoya qilishdir. Ekaterinburgdagi yangi Bosh konsulxona Ural federal okrugiga xizmat ko'rsatadi.

2018 yilning boshida, fevral oyida Sankt-Peterburgda O'zbekiston yangi Bosh konsulxonasi o'z faoliyatini boshlagan edi.

O'zbekiston turizmni rivojlantirish Davlat qo'mitasi xabariga ko'ra, bugun Ekaterinburgda “O'zbekiston bo'ylab sayohat qil” namoyish loyihasi doirasi bir qator tadbirlar ham bo'lib o'tadi. Bundan oldin shunday tadbirlar Novosibirskda bo'lib o'tgan edi. Kelajkda ularni Qozon va Ufa shaharlarida ham o'tkazish rejalashtirilgan.

Manba: darakchi. uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!