LOGOTIPE
Xayirli kun, Mehmon!
Soat: 17:31
Kirish A'zo bo'lish
REKLAMA
Eru osmonning mayyit uchun yig'lashi
MUHARRIR: wapusta

13 NOYABR, 12:30 / KO'RILDI: 39

Mo'min kishini cheksiz ne'matlar bilan siylab, unda umr ne'matini vaqti soati bilan undan nasibasi nihoyasiga etib vafot topsa ortidan birgin farzandi emas, eru osmonni va unga hizmat qilgan barcha narsalarni motam tutib yig'lashiga yarasha inson bo'lishiga tavfiq hidoyat bergan Alloh subxanahu va taologa behisob hamd va sanolar bo'lsin.

Ushbu maqomni o'zida mujassam qilgan, xatto vafotidan so'ng, Masjidida suyangan ustun va bir umr hizmatida bo'lgan ulovi ham motam tutgan. Rosululloh sallollohu alayhi va sallamga, oilasi va ashoblariga salovatu salomlar bo'lsin. Termiziy, Abu Ya'lo va Ibn Abu Dunyolar, Anas roziyallohu anhudan rivoyat qiladilar: Nabiy sollallohu alayhi va sallam aytadilar:«Har bir, inson uchun osmonda ikki eshik bor, biridan amali ko'tarilib, biridan rizqi tushadi. Agar mo'min banda vafot etsa, bu ikki eshik unga yig'laydi».  Ibn Abu Dunyo, Abu ibn Abu Tolib roziyallohu anhudan rivoyat qiladi: «Mo'min kishi vafot etsa, uning uchun erdagi namoz o'qigan joyi yig'laydi» dedilar. Ali ibn Abu Tolib roziyallohu anhudan rivoyat qilinadi: «Biror mo'min banda erning biror o'rnida  Alloh uchun sajda qilgan bo'lsa, vafot qilgan kuni o'sha joy unga yig'laydi va qiyomat kuni o'sha er guvoh bo'ladi»  (Ibn Abu Dunyo rivoyati)  Ibn Adiy «Komil» da Ibn Munda va Ibn Asokir «Tarix» kitobida Ibn Umar roziyallohu anhudan rivoyat qiladilar: Nabiy sollallohu alayhi va sallam: « Mo'min kishi vafot etishi munosabati bilan qabrlar bezatiladi va dafn o'rinlari mayyit o'ziga qo'yilishini orzu qiladi» dedilar. Ha darxaqiqat bu yorug' olamga inson bo'lib kelib, inson bo'lib ketishning o'zi katta fazilatdir, uning ortidan insonlar emas eru osmonlar yig'lab motam tutish esa eng katta baxtdir, bu darajaga etishishning o'zi katta mashaqqatdir. Va lekin uni topmoqlik Alloh taolodan inoyatdir. Barchalarimizni mo'min xolimizda dunyodan o'tib orimizda yig'lab qoluvchilar sonini ko'paytirib qo'ysin. Omin...

Manba: muslim.uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!