Xayirli tun, Guest!
Soat: 00:15
Tavsiya qilamiz
MILLION JAMOASI KONSERT 2021
LoginA'zo bo'lish
Indoneziyadagi toshqinlarda 23 kishi halok bo'ldi

 4 APREL, 20:40 69

.

Yakshanba kuni ertalab Indoneziyaning sharqiy viloyatidagi Flores orollarida suv toshqini yuz berdi va oqibatda 23 kishi halok bo'ldi, ikki kishi bedarak yo'qoldi.

Tabiiy ofatlar bo'yicha Milliy agentlikning rasmiy vakili Raditya Jatining so'zlariga ko'ra, suv toshqinlari sabab oqib kelgan loy uylarni bosib qolgan, orolning sharqiy qismida joylashgan ko'priklar va yo'llar vayron bo'lgan. Qutqaruvchilar hanuz zarar ko'rgan hududga etib borishga harakat qilmoqdalar.

«U erga faqatgina Adonara orolidan kirish mumkin. Ammo, yomg'ir va kuchli to'lqinlar ushbu hududga borishga to'sqinlik qilmoqda» deydi Jati AFPga.

Uning qo'shimcha qilishicha, noqulay ob-havo sharoiti kelayotgan haftada ham davom etadi.

Shuningdek, yakshanba kuni Indoneziyaning G'arbiy Nusa Tenggara viloyatidagi Bima shahrida ham suv toshqini yuz berib, ikki kishining o'limiga sabab bo'ldi. To'qqiz soatlik kuchli yomg'irdan so'ng suv to'g'onlari ham toshib ketdi va Bimadagi 10 mingga yaqin uy suv ostida qoldi.

Indoneziyada yomg'irlar mavsumida halokatli suv toshqinlari va er ko'chkilari tez-tez yuz beradi. Indoneziyaning tabiiy ofatlar agentligining ma'lumotlariga ko'ra, mamlakatdagi 125 million kishi- jami aholining deyarli yarmi – ko'chkilar xavfi bo'lgan hududlarda yashaydi.

Manba: aniq.uz

Yangiliklarni Telegramda o'qing!
Saytimizga a'zo bo'ling va yangilikga Izoh qoldiring!
!
telegram
© CHIROYLI.COM, 2012-2021™