LOGOTIPE
Xayirli kech, Mehmon!
Soat: 21:11
Kirish A'zo bo'lish
REKLAMA
Avstriyalik Rossiya josusi ishida yana bir davlat nomi paydo bo'ldi
MUHARRIR: wapusta

13 NOYABR, 08:05 / KO'RILDI: 23

Avvalroq, Avstriyada Rossiya foydasiga josuslik qilgan sobiq polkovnik qo'lga olingani haqida xabar bergan edik. Avstriya Hukumatiga ayg'oqchilik haqidagi ma'lumotni Germaniya razvedkasi bergani aytilgandi. Bugun, 12 noyabr kuni avval berilgan ma'lumotlarni rad qiluvchi tafsilotlar ochiqlandi. “Kleine Zeitung” ma'lum qilishicha, Rossiyaga ishlovchi avstriyalik josus haqida Buyuk Britaniya razvedkasi axborot bergan. Nashr ayg'oqchi haqida rasmiy London xabar berganini etarlicha g'alati holat ekaniga e'tibor qaratgan. Ta'kidlanishicha, Rossiya va Britaniya maxsus xizmatlarining ko'p yillik davomli qarama-qarshiligi va Rossiya Davlat razvedka boshqarmasining sobiq xodimi Sergey Skripalning zaharlanganini hisobga olsa, bunday ma'lumotlarning “portlash xavfi” mavjud. Avstriyalik yuqori martabali ofitserning fikriga ko'ra, josus bilan bog'liq voqealar salbiy oqibatiga ega. U britaniyaliklar Avstriya va Rossiyani urushtirib qo'yish uchun atayin ma'lumotlarni taqdim etgan deb hisoblayapti. Ta'kidlash kerakki, rasmiy Vena boshqa ko'plab xorijiy davlatlardan farqli o'laroq ommaviy ravishda rus diplomatlarini mamlakatdan chiqarib yubormadi.Eslatib o'tamiz, 9 noyabr kuni Avstriya Hukumati Rossiya foydasiga ayg'oqchilik qilishda gumonlangan sobiq harbiy hibsga olingani haqida ma'lum qilgan. ismi oshkor qilinmagan harbiy 20 yil davomida josuslik qilgani ta'kidlangan.

Manba: qalampir.com 

Manba: qalampir.com  
Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!