Xayirli tun, Guest!
Soat: 01:21
LoginA'zo bo'lish
Farg'onada "IIB binosidan o'ligi chiqqan" yigit bo'yicha rasmiy ma'lumot berildi

 4 APREL, 17:55 117

.

Joriy yilning 2 aprel kuni Farg'ona viloyatining Quva tumani Qalinpo'stin mahallasi bo'ylab piyoda ketayotgan 2001 yilda tug'ilgan fuqaro A.A., birdan sog'lig'i yomonlashganligi tufayli shifoxonaga olib borilgan. Ko'rsatilgan tibbiy muolajalarga qaramasdan, fuqaro A.A. shu kuni vafot etgan. 

Birlamchi tashxisga ko'ra fuqaro A.A.ning o'limiga o'tkir yurak-o'pka etishmovchiligi, yurakni ishemik kasalligi, ikki tomonlama buyraklar polikistozi sabab bo'lgan.

Vafot etgan fuqaroning oila a'zolariga va yaqinlariga hamdardlik bildiramiz.

Ma'lum bo'lishicha, shu yilning 31 mart kuni Quva tumani IIB profilaktika inspektorlari, xozirda marhum, fuqaro A.A. bilan otasi X.Yo. ishtirokida karantin qoidalarini buzganligi holati bo'yicha profilaktik suhbat o'tkazib, rasmiy ogohlantirishgan.

Mazkur holat ayni vaqtda IIB binosida fuqaroga jarohat etkazilganligi sifatida ijtimoiy tarmoqlarda tarqalmoqda. Yolg'on ma'lumotni tarqatgan ijtimoiy tarmoq faolining harakatlariga huquqiy baho beriladi.

Bu o'rinda bir savol tug'iladi, ijtimoiy tarmoq faolining O'zbekiston Respublikasi “Jamoat nazorati to'g'risida”gi qonuni talablari haqida bilimi bo'lmasligi mumkin, lekin, ushbu ma'lumotni “mish-mish” sifatida tarqatayotganlardan birontasi, nahotki bu ma'lumotni tekshirib ko'rish xaqida o'ylamagan bo'lsa.

Barcha ijtimoiy tarmoq faollarini hamda jurnalistlarni, kelib tushgan ma'lumotlarni xolisligini tekshirib, so'ng jamoatga tarqatishlariga chaqiramiz.

IIV Axborot xizmati rahbari Shohrux G'iyosov

Manba: aniq.uz

Yangiliklarni Telegramda o'qing!
Saytimizga a'zo bo'ling va yangilikga Izoh qoldiring!
!
telegram
© CHIROYLI.COM, 2012-2021™