LOGOTIPE
Xayirli kech, Mehmon!
Soat: 19:19
Kirish A'zo bo'lish
REKLAMA
“NRJ Music Awards” xalqaro mukofoti g'oliblari aniqlandi
MUHARRIR: wapusta

12 NOYABR, 16:20 / KO'RILDI: 51

KANN – Kannda “NRJ Music Awards” mukofotiga loyiq deb topilgan g'oliblarni taqdirlash marosimi o'tkazildi. Evropaning eng ilg'or xalqaro mukofotlaridan biri hisoblanadigan “NRJ “Music Awards” mukofoti bu yil 20-marta o'tkazildi.

Unda “Frantsuz tilida kuylovchi eng yaxshi erkak san'atkor” nominatsiyasi bo'yicha mukofot repper Sopranoga topshirildi. Tinglovchilar mazkur xonandaning oddiyligi va ochiqligini qadrlashlarini bildirganlar.

“Bigflo & Oli” va “Petit Biscuit” guruhlari tomonidan suratga olingan videoklip yilning eng yaxshisi deb topildi.

Bu yilgi “Frantsuzcha yil qo'shig'i” nominatsiyasida Kendzi Girakning “Unutmoq” qo'shig'i xonanda Amirning “O'xshash” ashulasiga nisbatan ko'p ovoz yiqqan.

Mashhur “Despacito”ni ham ortda qoldirgan Maroon 5 va Kardi B tomonidan ayollarga qasida sifatida kuylangan “Girls like You” qo'shig'i “Xalqaro yil qo'shig'i” mukofotiga munosib deb topilgan.

2018 yilning “Frantsuz tilida kuylovchi yil yangiligi” sifatida repper Dadjuning “Queen” ashulasi munosib topilgan.

Shuningdek, xalqaro hamjamiyat tomonidan xonanda Kamila Kabelo ham munosib taqdirlandi. “Yilning xalqaro artisti” nominatsiyasiga Ariana Grande sazovor bo'ldi.

Xalqaro miqyosdagi "NRJ Music Awards" musiqiy mukofotiga nomzodlar asosan keng jamoatchilik tomonidan tavsiya etiladi. Evropaning nufuzli festivallaridan biri hisoblanadigan “NRJ Music Awards”ga 2000 yilda asos solingan bo'lib, u Frantsiyaning "NRJ "radiostantsiyasi va " TF1" telekanali hamkorligida o'tkazib kelinadi.

Bu tanlovda muxlislarning onlayn ovoz berishi asosida 5 ishtirokchi g'olib deb topiladi. Festivalning o'ziga xos jihati – unda 75 foiz ovoz tinglovchilar, 25 foiz ovoz esa “NRJ” va “TF1” hay'ati tomonidan beriladi.

Manba: turon24. uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!