LOGOTIPE
Xayirli kun, Mehmon!
Soat: 17:20
Kirish A'zo bo'lish
REKLAMA
TIKLANGAN OROL BOLALAR NIGOHIDA
MUHARRIR: wapusta

12 NOYABR, 13:00 / KO'RILDI: 10

Samarqand shahar «Barkamol avlod» bolalar markazida «Orol – bolalar nigohida», «Tiklangan Orol» mavzularida ijodiy ishlar tanlovi bo'lib o'tdi.Unda Samarqand shahridagi 10-son Mehribonlik uyi, SOS bolalar uyi, 64-son maktab-internat tarbiyalanuvchilari hamda maktab o'quvchilari global ekologik muammolardan biri - Orol dengizining bugungi ahvoli, uni tiklash uchun qilinishi lozim bo'lgan ishlar, Orolbo'yi mintaqasining ekologik holati, aholining turmush tarzi borasidaga qarashlarini suratlarda aks ettirdi. Har bir ishtirokchi muammoga innovatsion echim izlashga harakat qildi.

- Markazimizda ramziy Orol dengizini yasadik, - deydi shahar «Barkamol avlod» bolalar markazi rahbari Nargiza Qobilova. – Tanlovda ishtirok etgan o'quvchilar tabiiy boyliklardan oqilona foydalanish, atrof-muhitni muhofaza qilish, tiklangan Orol manzarasini aks ettirgan suratlarini ramziy Orolga tashladi. Ushbu suratlarning har birida beg'ubor bolalarning ezgu niyatlari, innovatsion g'oyalari mujassamlashgan.

230 nafar ishtirokchidan eng yaxshi innovatsion g'oyaga ega 50 nafar o'quvchilar tashkilotchilar tomonidan taqdirlandi.

Manba: zarnews.uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!