LOGOTIPE
Xayirli tun, Mehmon!
Soat: 00:49
Kirish A'zo bo'lish
REKLAMA
Poytaxtda doimiy propiska olishi mumkin bo'lgan tashkilotlar ko'payishi mumkin
MUHARRIR: wapusta

12 NOYABR, 12:00 / KO'RILDI: 3

Xodimlari Toshkentda doimiy propiska olishi mumkin bo'lgan tashkilotlar soni yana bittaga ko'payishi mumkin.

Normativ-huquqiy hujjatlar loyihalari muhokamasi portalida Vazirlar Mahkamasining “Rahbarlari xodimlarni Toshkent shahri va Toshkent viloyatida doimiy propiska qilish to'g'risida iltimosnoma kiritishi mumkin bo'lgan davlat hokimiyati organlari, davlat va xo'jalik boshqaruvi organlari, respublika ahamiyatiga molik boshqa davlat tashkilotlari ro'yxatiga qo'shimcha kiritish haqida”gi qarori loyihasi joylashtirildi.

Hujjat bilan Vazirlar Mahkamasining 2016 yil 7 oktyabrdagi 336-son qarori bilan tasdiqlangan Rahbarlari xodimlarni Toshkent shahri va Toshkent viloyatida doimiy propiska qilish to'g'risida iltimosnoma kiritishi mumkin bo'lgan davlat hokimiyati organlari, davlat va xo'jalik boshqaruvi organlari, respublika ahamiyatiga molik boshqa davlat tashkilotlari ro'yxati quyidagi mazmundagi band bilan to'ldiriladi:

“O'zbekiston Respublikasi Vazirlar Mahkamasi huzuridagi Davlat test markazi”.

O'zbekiston Respublikasi Ichki ishlar vazirligi manfaatdor vazirliklar va idoralar bilan birgalikda o'zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtiradilar.

Mazkur qarorning bajarilishini nazorat qilish O'zbekiston Respublikasi bosh vazirining o'rinbosari A.A.Abduhakimov, O'zbekiston Respublikasi ichki ishlar vaziri P.R.Bobojonov va Vazirlar Mahkamasi huzuridagi Davlat test markazi direktori M.M.Karimov zimmasiga yuklatiladi.

Eslatib o'tamiz, avvalroq, Hukumatning 2018 yil 1 noyabrdagi qarori bilan Ta'lim sifatini nazorat qilish davlat inspektsiyasi Rahbarlari xodimlarni Toshkent shahri va Toshkent viloyatida doimiy propiska qilish to'g'risida iltimosnoma kiritishi mumkin bo'lgan davlat organlari va boshqa davlat tashkilotlari ro'yxatiga kiritilgan.

Ro'yxatda shu paytgacha 72ta tashkilot mavjud edi.​​

Uza.uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!