Xayirli kun, Mehmon!
Soat: 13:03
Kirish |  A'zo bo'lish (Bepul)
Tavsiya qilamiz
» Asal qizlar rasmlari (+18)
» Butsa.Uz - Futbol xabarlari
» Titan Gel - MAKSIMUM tarzda rohat ol!
» Chocolate Slim Ozish uchun tabiiy kompleks
Mbappe tug‘ilgunga qadar Buffon nimalarga ulgurgan?
@chiroyli_comYangiliklarni Telegramda o'qing!
.. Yuklab olish

Yevropa Chempionlar ligasining yarim final bosqichida Italiyaning «Yuventus» va Fransiyaning «Monako» klublari o’zaro to’qnash kelishdi. Mazkur o’yinlarda ikki futbolchi — italyanlardan Janluiji Buffan, fransuzlardan esa Kilian Mbappe alohida ajralib turdi. Eng qizig‘i, aynan shu ikki futbolchiga oid shunday qiziqarli statistikalar bor ekanki, ularni o’qib, ayni damda ular bir davrda o’ynayotganiga ham ishonmaysiz. Masalan, Buffon Mbappedan 20 yilu 326 kunlik katta. Quyidagi faktlar esa bundan ham qiziqroq.

Buffonning natijalari

Janluiji Buffon Mbappe tug‘ilgunga qadar Italiya A seriyasida 82 ta o’yin o’tkazgan. Ularning 36 tasida darvozasi daxlsizligini saqlab qolgan.

Shuningdek, Mbappe tug‘ilguncha Buffon professional faoliyatida 107 ta o’yinda maydonga tushgan. Shulardan 44 tasida raqiblar uni dog‘da qoldira olishmagan.

Mbappe tug‘ilgunga qadar Janluiji Italiya terma jamoasi safida uch bor harakat qilgan. Qolaversa, 1998 yilgi jahon chempionatida Italiya terma jamoasi tarkibiga kiritilgan.

Mbappe tug‘ilgunga qadar Buffon UEFA Chempionlar ligasi va UEFA kubogi sohibiga aylangan. Shu bilan birga, Italiya chempionatida kumush medallarga egalik qilgan.

Nihoyat, Mbappe tug‘ilgunga qadar Buffon 21 yoshgacha bo’lgan futbolchilar o’rtasidagi jahon chempionatida g‘oliblik shohsupasiga ko’tarilgan.

Futbolchilar nima deydi?

Janluiji Buffon:

— Mbappe 1998 yilda tug‘ilgan, men esa bu vaqtda terma jamoa tarkibida jahon chempionatida ishtirok etishga ulgurgandim. Bilasizmi, men juda baxtliman. Chunki 1950-1960 yillarda tug‘ilgan futbolchilar bilan faoliyatingni boshlash va 2000 yilda tavallud topgan futbolchilarga qarshi harakat qilib, faoliyatingni yakunlash — bu juda ajoyib va quvonchli holat. Men aynan ana shunday baxtga erishyapman.

Kilian Mbappe:

— Buffon dunyo futboli tarixida chuqur iz qoldirgan eng kuchli darvozabonlardan biri. Men unga qarshi harakat qilganimdan mamnunman. Ayni damda har kuni Buffon va unga o’xshash futbolchilarni mag‘lub etish uchun o’z ustimda tinimsiz ishlayapman. So’z beraman, agar yana imkoniyat tug‘ilsa, Buffonning darvozasiga gol kiritish uchun qo’limdan kelgan hamma narsani qilaman va buning uddasidan chiqaman.

Ma’lumot uchun, Mbappe Buffonning darvozasiga gol urishni uddaladi.

Nizomjon ISLOMOV tayyorladi
. WapUsta
19.05.2017 / 11:51
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!
Ulashish
Yangilik yoqdimi? Do'stlaringiz bilan ulashing: