LOGOTIPE
Xayirli kun, Mehmon!
Soat: 17:22
Kirish A'zo bo'lish
REKLAMA
Paleontologlar AQShda Erdagi ilk kaltakesaklarning bosgan izlarini topishdi
MUHARRIR: wapusta

11 NOYABR, 22:35 / KO'RILDI: 10

Olimlar Buyuk kanonning yonbag'irlaridan hozirgi Shimoliy Amerika hududida taxminan 310 mln yil oldin yashagan ilk sudraluvchilarning izlarini topishdi.

Ularning suratlari Albukerkedagi umurtqali hayvonlar paleontologiyasi jamiyatining har yili o'tkaziladigan uchrashuvida namoyish qilindi.

“Men bu izlarni ilk bor ko'rganimda juda hayratlandim – ularni yonma-yon yurgan bir juft hayvon qoldirgan degan taassurot paydo bo'ldi. Na zamonaviy, na qadimgi sudraluvchilar bu ishni qilmagan. Faqat uyga etib borganimdagina tushundimki, ular aslida yon tomoni bilan yuradigan bitta kaltakesakdan qolgan”, – deya hikoya qiladi Las-Vegasdagi (AQSh) Nevada universitetidan Stiven Roulend.

Hozirgi paleontologlarning hisobiga ko'ra, ilk dinozavrlar taxminan 240 mln yil avval, Trias davri oxirida paydo bo'lgan, Perm davrida erdagi barcha yirik sinapsidlar yo'qolib ketgandan keyin ular hukmronlik qilgan.

Timsohlar va dinozavrlar yaqin qarindoshlar hisoblanadi, hozirgi olimlarning o'ylashicha, Trias davrining o'rtalarida ularning ajdodlari bo'linib ketgan.

Bu holat qanday va qachon yuz berganini paleontologlar hali bilishmaydi, chunki bu davrning qoldiqlari juda kam.

Olimlar uzoq vaqt davomida dastlabki dinozavrlar timsohlarga o'xshamasligiga ishonishgan, ammo so'nggi paytlarda paleontologlar timsohlarga o'xshaydigan barcha dinozavrlarning ajdodlariga tegishli bo'lgan qoldiqlarni topishdi. Ushbu topilma bu boradagi tortishuvlarni yana kuchaytirib yubordi.

Kolorado shtatidagi Buyuk kanon hududida qazishma ishlari olib borilayotganda Roulend va uning hamkasblari hozircha ushbu jonzotning eng qadimgi va ibtidoiy oyoq izlarinigina topishdi xolos.

Yaqin kelajakda Roulend va uning hamkasblari ushbu toshni laboratoriyaga olib borishni rejalashtirishmoqda. Uning batafsil o'rganilishi ilk sudraluvchilarning qarindoshlari qanday ko'rinishda bo'lganini aniqlash imkonini beradi.

Manba: turon24. uz

Ulashish
Fikrlar
Saytimizga a'zo bo'ling va yangilikga Izoh qoldiring!
Hali hech kim izoh qoldirmagan!!